នាថ្ងៃទី២៤ ខែមេសា ឆ្នាំ២០១៨ ឧបនាយករដ្ឋមន្រ្តី រដ្ឋមន្រ្តីការបរទេសវៀតណាមលោក Pham Binh Minh បានទទួលជួប សន្ទនាជាមួយរដ្ឋលេខាធិការក្រសួងការបរទេស និងសហប្រតិបត្តិការអន្តរជាតិព្រះរាជាណាចក្រម៉ារ៉ុកលោកស្រី Mounia Boucetta ដែលកំពុងមកបំពេញទស្សនកិច្ចនៅវៀតណាម ដើម្បីធ្វើជាសហអធិបតីក្នុងកិច្ចប្រជុំលើកទី៤គណៈកម្មការចម្រុះ វៀតណាម-ម៉ារ៉ុក និងជំនួបពិគ្រោះយោបល់នយោបាយលើកទី៥ រវាងក្រសួងការបរទេសនៃប្រទេសទាំងពីរ។
ក្នុងជំនួបនេះ ភាគីទាំងពីរបានឯកភាពថា គួរឲ្យមានវិធានការជាក់ស្ដែងសំដៅជំរុញខ្លាំងការផ្លាស់ប្ដូរពាណិជ្ជកម្មវិនិយោគរវាងប្រទេសទាំងពីរ។ ក្រៅពីនោះ ភាគីទាំងពីរនឹងជំរុញការចរចានិងចុះហត្ថលេខាលើឯកសារសហប្រតិបតិ្តការថ្មីលើវិស័យពលករ ធនាគារហិរញ្ញវត្ថុ ទេសចរណ៍ អាកាសចរណ៍ និងថាមពលជាដើម។ លោក Pham Binh Minh បានស្នើឲ្យភាគីទាំងពីរនាពេលខាងមុខគួរឲ្យជំរុញការចងមេត្រីភាពរវាងតំបន់នានានៃប្រទេសទាំងពីរដូចជា Nha Trang – Agadir ទីក្រុងហូជីមិញ-Casablanca និង Da Nang – Tangier៕
តាម VOV5 - វិទ្យុសម្លេងវៀតណាម
