តាមការអញ្ជើញរបស់សម្ដេចតេជោ ហ៊ុនសែន នាយករដ្ឋមន្ត្រីកម្ពុជា នាយករដ្ឋមន្ត្រីវៀតណាម លោក Nguyen Xuan Phuc នឹងដឹកនាំគណៈប្រតិភូវៀតណាមអញ្ជើញចូលរួមកិច្ចប្រជុំកំពូលនៃគណៈកម្មការទន្លេមេគង្គលើកទី ៣ ចាប់ពីទី៤ ដល់ទី ៥  ខែមេសា នៅខេត្តសៀមរាប(ប្រទេសកម្ពុជា)។

ជម្រុញកិច្ចសហប្រតិបត្តិការអភិវឌ្ឍន៍ចីរភាពនៅទន្លេមេគង្គ  

ក្នុងបរិបទដែលវៀតណាមទទួលរ៉ាប់រងតួនាទីជាប្រធានក្រុមប្រឹក្សាគណៈកម្មការទន្លេមេគង្គអន្ដរជាតិឆ្នាំ២០១៨ នាយករដ្ឋមន្ត្រី វៀតណាម លោក Nguyen Xuan Phuc ដឹកនាំគណៈប្រតិភូវៀតណាមអញ្ជើញមកចូលរួមកិច្ចប្រជុំ កំពូលគណៈកម្មការទន្លេមេគង្គអន្តរជាតិលើកទី ៣ សំដៅអនុវត្តគោលមាគ៌ាបរទេសរបស់វៀតណាម ជំរុញទំនាក់ទំនងជាមួយ ប្រទេស ជិតខាង ក៏ដូចជា ជាមួយដៃគូក្នុងតំបន់និង ក្រៅតំបន់ផងដែរ។

ការដែលវៀតណាមអញ្ជើញចូលរួមកិច្ចប្រជុំកំពូលលើកទី ៣ នេះបានបញ្ជាក់ពីការយកចិត្តទុកដាក់ និងការសន្យារបស់វៀតណាមចំពោះកិច្ចសហប្រតិបត្តិការក្នុងក្របខ័ណ្ឌនៃគណៈកម្មការទន្លេមេគង្គដោយឈរលើស្មារតីរបស់កិច្ចព្រមព្រៀងទន្លេមេគង្គ ឆ្នាំ១៩៩៥  ដែលរួមចំណែកក្នុងការពង្រឹងតួនាទីរបស់គណៈកម្មការទន្លេមេគង្គក៏ដូច​ជា​ សាមគ្គីភាព និងកិច្ចសហប្រតិបត្តិការរវាងបណ្តាប្រទេសជាសមាជិកដើម្បីផលប្រយោជន៍រួម៕

តាម VOV5 - វិទ្យុសម្លេងវៀតណាម