• Vietnamese
    កាសែតរូបភាពវៀតណាមជាភាសាវៀតណាម
  • English
    កាសែតរូបភាពវៀតណាមជាភាសា អង់គ្លេស
  • Français
    កាសែតរូបភាពវៀតណាមជាភាសាបារាំង
  • Español
    កាសែតរូបភាពវៀតណាមជាភាសា អេស្ប៉ាញ
  • 中文
    កាសែតរូបភាពវៀតណាមជាភាសាចិន
  • Русский
    កាសែតរូបភាពវៀតណាមជាភាសារុស្ស៊ី
  • 日本語
    កាសែតរូបភាពវៀតណាមជាភាសាជប៉ុន
  • ລາວ
    កាសែតរូបភាពវៀតណាមជាភាសា ឡាវ
  • 한국어
    កាសែតរូបភាពវៀតណាមជាភាសាកូរ៉េ

ព័ត៌មាន

ការនាំចេញហួសកម្រិតរបស់វៀតណាមឈានដល់កម្រិត ១៧ ពាន់លានដុល្លារ បង្កើតកម្លាំងចលករសម្រាប់ជំរុញកំណើនសេដ្ឋកិច្ច

យោងតាមរបាយការណ៍របស់ Fitch Solutions បានវាយតម្លៃថា សេដ្ឋកិច្ចវៀតណាមកំពុងស្ថិតលើសន្ទះងើបឡើងវិញ គឺ កើនឡើង ២,៦% ក្នុងឆ្នាំ ២០២០ នឹងឈានដល់ ៨,២% នៅឆ្នាំ ២០២១ ជាពុំខាន។

ក្នុងពេលជាមួយគ្នានេះ ធនាគារ HSBC បានព្យាករណ៍ថា កំណើន GDP របស់វៀតណាមនៅឆ្នាំ ២០២០ នឹងឈានដល់ ២,៦%។ សម្រាប់ឆ្នាំ ២០២១ ធនាគារ HSBC ជឿជាក់ថា វៀតណាមនឹងទទួលបានផលចំណេញពីការងើបឡើងវិញដោយសារមានបច្ចេកវិទ្យានាំមុខនិងលំហូរ FDI ថេរ។ ធនាគារ HSBC រំពឹងថា កំណើនសេដ្ឋកិច្ចរបស់វៀតណាមនៅឆ្នាំ ២០២១ នឹងកើនឡើងដល់ជាង ៨% ដែរ។

នាពេលថ្មីៗនេះ កាសែតអាមេរិក Fortune បានរាយការណ៍នាពេលថ្មីៗនេះថា កំណើនក្នុងវិស័យផលិតកម្មនិងការនាំចេញបានជួយផលិតផលក្នុងស្រុកសរុបរបស់វៀតណាមក្នុងត្រីមាសទី ៣ នៃឆ្នាំនេះកើនឡើងជាង ២,៦% បើប្រៀបធៀបទៅនឹងរយៈពេលដូចគ្នាកាលពីឆ្នាំមុន ជម្រុញការស្តារសេដ្ឋកិច្ចរបស់ប្រទេសជាតិ ដែលត្រូវធ្លាក់ចុះពីពាក់កណ្តាលដើមឆ្នាំ ២០២០ ដោយសារជំងឺរាតត្បាតកូវីដ ១៩។ ការនាំចេញហួសកម្រិតឈានដល់កម្រិតខ្ពស់បំផុត ១៧ ពាន់លានដុល្លារក្នុងរយៈពេល ៩ ខែដំបូងនៃឆ្នាំនេះ។ យោងតាមអគ្នាយកស្ថិតិ ប្រសិនបើប្រៀបធៀបជាមួយតួលេខជាង ៧ ពាន់លានដុល្លារកាលពីឆ្នាំមុន តម្លៃនាំចេញហួសកម្រិតនៃនេះបានកើនឡើងជាង ២,៣ ដង។

យោងតាមអ្នកជំនាញ សហគ្រាសក្នុងប្រទេសបានចូលរួមចំណែកយ៉ាងសំខាន់ដល់កំណត់ត្រានៃការនាំចេញហួសកម្រិត។ ទំហំនៃការនាំចេញរបស់ក្រុមនេះ សម្រេចបានជាង ៧១,៨ ពាន់លានដុល្លារ កើនឡើងជាង ២០%។ និយាយជារួម កំណើននៃការនាំចេញមានកម្រិតទាបជាងរាល់ឆ្នាំ ប៉ុន្តែនៅក្នុងបរិបទកូវីដ-១៩ នេះ នៅតែជាសញ្ញាល្អ។

ក៏យោងតាមការវាយតម្លៃរបស់អ្នកជំនាញ វៀតណាមនៅតែជា “ចំណុចភ្លឺ” សម្រាប់កំណើនសេដ្ឋកិច្ចក្នុងបរិបទនៃកូវីដ-១៩។ ហេតុដូច្នេះ ចាំបាច់ត្រូវមានវិធានការដើម្បីរក្សាសន្ទុះសេដ្ឋ កិច្ចដូចជា  FDI, កសិកម្មនិងចាប់យកឱកាសនាំចេញ៕

តាម VOV5 - វិទ្យុសំឡេងវៀតណាម

នាយករដ្ឋមន្ត្រីលោក ហ្វាម មិញ ជិញ៖ ត្រៀមរៀបចំគ្រប់លក្ខខណ្ឌសម្រាប់ពិធីសម្ពោធគម្រោងជាតិសំខាន់ៗនៅថ្ងៃទី ១៩ ខែធ្នូ ឆ្នាំ ២០២៥

នាយករដ្ឋមន្ត្រីលោក ហ្វាម មិញ ជិញ៖ ត្រៀមរៀបចំគ្រប់លក្ខខណ្ឌសម្រាប់ពិធីសម្ពោធគម្រោងជាតិសំខាន់ៗនៅថ្ងៃទី ១៩ ខែធ្នូ ឆ្នាំ ២០២៥

នាព្រឹកថ្ងៃទី ១៣ កក្កដា នៅទីក្រុង Can Tho នាយករដ្ឋមន្ត្រី លោក ហ្វាម មិញ ជិញ បានអញ្ជើញជួបធ្វើការជាមួយថ្នាក់ដឹកនាំខេត្ត ក្រុង នៅតំបន់ដីសណ្ដទន្លេ Cuu Long ស្តីពីស្ថានភាពនិងលទ្ធផល នៃការអនុវត្តសេចក្តីសម្រេចចិត្ត របស់គណៈកម្មាធិការមជ្ឈិម ការិយាល័យនយោបាយ និងលេខាធិការដ្ឋាន ស្តីពីការកសាង ការរៀបចំ និងប្រតិបត្តិការរបស់អាជ្ញាធរមូលដ្ឋានពីរកម្រិត; វឌ្ឍនភាពនៃគម្រោងផ្លូវល្បឿនលឿន គម្រោងហេដ្ឋារចនាសម្ព័ន្ធសំខាន់ៗ ក្នុងតំបន់និងលទ្ធផលនៃការអនុវត្តគម្រោងអភិវឌ្ឍន៍ប្រកបដោយចីរភាពលើផ្ទៃដី ១ លានហិកតា ស្រូវឯកទេសដែលមានគុណភាពខ្ពស់ បញ្ចេញឧស្ម័នទាបភ្ជាប់នឹងកំណើនបៃតង និងនិរន្តរភាពនៅតំបន់ដីសណ្តទន្លេ Cuu Long។

Top