26/02/2020 14:12 GMT+7 Email Print Like 0

ឧបនាយករដ្ឋមន្ត្រីវៀតណាម លោក Vu Duc Dam អញ្ជើញ​ចូលរួម​សន្និសីទ​ស្តីពី​ការប្រយុទ្ធប្រឆាំងនឹងជំងឺរាតត្បាត Covid 19

នាព្រឹកថ្ងៃទី ២៥ ខែកុម្ភៈ នៅទីក្រុងហាណូយ បានប្រព្រឹត្តិទៅសន្និសីទអនឡាញស្ដីពីការអនុវត្តន៍ការងារសុខាភិបាលឆ្នាំ ២០២០ និងការប្រយុទ្ធប្រឆាំងនឹង ជំងឺរាតត្បាត Covid 19។
 

ទិដ្ឋភាពនៃកិច្ចប្រជុំ


អញ្ជើញថ្លែងនៅទីនេះ ឧបនាយករដ្ឋមន្ត្រីវៀតណាម លោក Vu Duc Dam បានស្នើឲ្យក្រុមការងារពិសេសចងក្រងកូនសៀវភៅណែនាំអំពីវិធានការប្រយុទ្ធប្រឆាំងជំងឺរាតត្បាត Covid 19 និងធ្វើបច្ចុប្បន្នភាពជាបន្តបន្ទាប់។


ដោយសង្កត់ធ្ងន់ថាប្រទេសវៀតណាមមានយុទ្ធនាការចាប់ផ្ដើមពីដំបូងដោយជោគជ័យក្នុងការប្រយុទ្ធប្រឆាំងនឹងជំងឺរាតត្បាតនេះ ឧបនាយករដ្ឋមន្ត្រី លោក Vu Duc Dam បានស្នើឲ្យប្រព័ន្ធទាំងមូលបន្តទប់ទល់នឹងជំងឺប្រកបដោយប្រសិទ្ធភាព និងបន្ត អនុវត្តវិធានការបង្ការ ទប់ស្កាត់ជំងឺ ជាពិសេសគឺប្រជាជនគ្រប់រូបត្រូវចូលរួមការប្រយុទ្ធប្រឆាំងនឹងជំងឺរាតត្បាត Covid 19 នេះ។

យោងតាមរបាយការណ៍របស់ក្រសួងសុខាភិបាលបានឱ្យដឹងថា ក្នុងរយៈពេល ១១ ថ្ងៃកន្លងទៅ វៀតណាមមិនបានរកឃើញករណីឆ្លង វីរុសកូរ៉ូណាប្រភេទថ្មីឡើយ។ ទន្ទឹមនឹងនេះ អ្នកជំងឺ ១៦ នាក់ដែលផ្ទុក Covid 19 បានជាសះស្បើយ ហើយត្រូវបានអនុញ្ញាតឲ្យចាកចេញពីមន្ទីរពេទ្យ៕

តាម VOV5 - វិទ្យុសម្លេងវៀតណាម 

បណ្តាព័ត៌មានបានផ្សាយ