• Vietnamese
    កាសែតរូបភាពវៀតណាមជាភាសាវៀតណាម
  • English
    កាសែតរូបភាពវៀតណាមជាភាសា អង់គ្លេស
  • Français
    កាសែតរូបភាពវៀតណាមជាភាសាបារាំង
  • Español
    កាសែតរូបភាពវៀតណាមជាភាសា អេស្ប៉ាញ
  • 中文
    កាសែតរូបភាពវៀតណាមជាភាសាចិន
  • Русский
    កាសែតរូបភាពវៀតណាមជាភាសារុស្ស៊ី
  • 日本語
    កាសែតរូបភាពវៀតណាមជាភាសាជប៉ុន
  • ລາວ
    កាសែតរូបភាពវៀតណាមជាភាសា ឡាវ
  • 한국어
    កាសែតរូបភាពវៀតណាមជាភាសាកូរ៉េ

ព័ត៌មាន

ឧបនាយករដ្ឋមន្ត្រីនិងជារដ្ឋមន្ត្រីការបរទេសវៀតណាម លោក Pham Binh Minh អញ្ជើញទៅបំពេញទស្សនកិច្ចជាផ្លូវការនៅអង់គ្លេសនិងអៀរឡង់ខាងជើង

ក្នុងឱកាសរំលឹកខួបអនុស្សាវរីយ៍លើកទី ៤៥ នៃការបង្កើតទំនាក់ទំនងការទូតរវាងវៀតណាមនិងអង់គ្លេសនិងទទួលបានសេចក្តីអញ្ជើញរបស់រដ្ឋមន្ត្រីការបរទេសចក្រភពអង់គ្លេសនិងអៀរឡង់ខាងជើងលោក Jeremy Hunt ចាប់ពីថ្ងៃទី ៩ ដល់ថ្ងៃទី១០ ខែតុលា ឆ្នាំ២០១៨ ឧបនាយករដ្ឋមន្ត្រីនិងជារដ្ឋមន្ត្រីការបរទេសវៀតណាម លោក Pham Binh Minh បានអញ្ជើញទៅបំពេញទស្សនកិច្ចជាផ្លូវការនៅប្រទេសអង់គ្លេស។

ឧបនាយករដ្ឋមន្ត្រីវៀតណាមលោក Pham Binh Minh និងរដ្ឋមន្ត្រីក្រសួងពាណិជ្ជកម្មអន្តរជាតិអង់គ្លេសលោក Liam Fox 

ក្នុងឱកាសនៃដំណើរទស្សនកិច្ចនេះ ឧបនាយករដ្ឋមន្ត្រីវៀតណាមលោក Pham Binh Minh បានជួបសន្ទនាជាមួយរដ្ឋមន្ត្រីក្រសួងពាណិជ្ជកម្មអន្តរជាតិអង់គ្លេសលោក Liam Fox ។ ភាគីទាំងពីរបានយល់ស្របវាយតម្លៃថា កិច្ចសហប្រតិបត្តិការពាណិជ្ជកម្មនិងវិនិយោគរវាងប្រទេសទាំងពីរមានការអភិវឌ្ឍន៍យ៉ាងវិជ្ជមានក្នុងប៉ុន្មានឆ្នាំថ្មីៗនេះ។ ឧបនាយករដ្ឋមន្ត្រីវៀតណាម Pham Binh Minh បានសម្តែងនូវក្តីសង្ឃឹមថា ចក្រភពអង់គ្លេសនឹងបន្តគាំទ្រវៀតណាមក្នុងការបង្កើនទំនាក់ទំនងជាមួយសហភាពអឺរ៉ុប (EU) និងជម្រុញ EU ឲ្យចុះហត្ថលេខាលើកិច្ចព្រមព្រៀងពាណិជ្ជកម្មសេរីវៀតណាម - EU (EVFTA) ក្នុងពេលឆាប់ៗនេះ។

ក្នុងក្របខ័ណ្ឌនៃដំណើរទស្សនកិច្ចនេះ ឧបនាយករដ្ឋមន្ត្រីលោក Pham Binh Minh បានអញ្ជើញជួបធ្វើការជាមួយថ្នាក់ដឹកនាំនៃសម្ព័ន្ធក្រុមហ៊ុនធំៗមួយចំនួនរបស់អង់គ្លេសផងដែរ។  ឧបនាយករដ្ឋមន្ត្រីវៀតណាមលោក Pham Binh Minh ក៏បានអញ្ជើញថ្លែងនៅវេទិកាធុរកិច្ចវៀតណាម - ចក្រភពអង់គ្លេសដោយអះអាងថា វៀតណាមជានិច្ចកាលបើកទ្វារស្វាគមន៍សហគ្រាសនិងអាជីវករអង់គ្លេស ព្រមទាំងអះអាងថា វៀតណាមនិងរួមចំណែក ដើម្បីអនាគតសម្បូររុងរឿងសម្រាប់សហគ្រាសក៏ដូចជាប្រ ជាជននៃប្រទេសទាំងពីរផងដែរ។

នៅក្នុងវេទិកានេះឧបនាយករដ្ឋមន្រ្តីបានអញ្ជើញជាសាក្សីពិធីចុះហត្ថលេខាលើអនុស្សរណៈនៃការយោគយល់ (MOU) រវាងសភាពាណិជ្ជកម្មនិងឧស្សាហកម្មវៀតណាម (VCCI) និងក្រុមប្រឹក្សាពាណិជ្ជកម្មអង់គ្លេស - អាស៊ាន (UKABC)ផងដែរ ៕

 

តាម VOV5 - វិទ្យុសម្លេងវៀតណាម

វៀតណាមគឺជាគោលដៅពេញនិយមបំផុតសម្រាប់ភ្ញៀវទេសចរអូស្ត្រាលី

វៀតណាមគឺជាគោលដៅពេញនិយមបំផុតសម្រាប់ភ្ញៀវទេសចរអូស្ត្រាលី

ទិន្នន័យថ្មីបំផុតនៅឆ្នាំនេះពីនាយកដ្ឋានស្ថិតិអូស្ត្រាលី (ABS) បង្ហាញថា ចំនួនភ្ញៀវទេសចរអូស្ត្រាលីមកកាន់ប្រទេសវៀតណាមបានវ៉ាដាច់ យ៉ាងលើស លុបពីគោលដៅទេសចរណ៍អន្តរជាតិដ៏ពេញនិយមផ្សេងទៀត ដោយកើន ឡើង ៥៤% ក្នុងត្រីមាសទី ១ ឆ្នាំ ២០២៥ បើធៀបនឹងរយៈពេលដូចគ្នាក្នុងឆ្នាំ ២០១៩។

Top