វាយតម្លៃចំពោះសៀវភៅ សាស្ត្រាចារ្យ Anita Agrawal សកម្មភាពតស៊ូដើម្បីសមភាពយេនឌ័រនិងសមភាពប្រាក់ចំណូល បានសង្កត់ធ្ងន់ទៅលើអត្ថន័យប្រវត្តិសាស្ត្រនៃបណ្ដាស្នាដៃរបស់លោកប្រធាន ហូជីមិញស្ដីពីការប្រកាន់ជាតិសាសន៍។

សាស្ត្រាចារ្យ បណ្ឌិត លោកស្រី Nguyen Dai Trang។ (រូបថត៖ TTXVN)

នាថ្ងៃទី២០ កុម្ភៈ នៅទីក្រុង Ottawa ប្រទេសកាណាដាបានប្រព្រឹត្តទៅនូវពិធីបង្ហាញមុខសៀវភៅដោយចំណងជើងថា “ហូជីមិញ៖ ជាតិសាសន៍ស្បែកខ្មៅនិងស្នាដៃគំរូស្ដីពីការប្រកាន់ជាតិសាសន៍” ដោយមានកំណែជាភាសាអង់គ្លេសនិងភាសាវៀតណាមរបស់សាស្ត្រាចារ្យ បណ្ឌិត លោកស្រី Nguyen Dai Trang។

ចែករំលែកពីស្នាដៃរបស់ខ្លួន លោកស្រីសាស្ត្រាចារ្យ បណ្ឌិត Nguyen Dai Trang ជាអាណិកជនវៀតណាមម្នាក់នៅកាណាដាបានឲ្យដឹងថា លោកប្រធានហូជីមិញជាអ្នកមានឥទ្ធិពលដ៏ទូលំទូលាយចំពោះចលនារំដោះជាតិនៅទ្វីបអាហ្វ្រិក ក៏ដូចជាចលនាប្រឆាំងជំទាស់នឹងសង្គ្រាមនិងទាមទារសិទ្ធិសមភាពសម្រាប់ជនដើមកំណើតអាហ្វ្រិកនៅសហរដ្ឋអាមេរិក។ ប្រការនេះបានរុញច្រានឲ្យលោកស្រីធ្វើការសម្រិតសម្រាំងអត្ថបទសរសេរចំនួន២០របស់លោកប្រធានហូជីមិញដើម្បីយកមកឧទ្ទេសនាមនៅក្នុងសៀវភៅនេះ។

វាយតម្លៃចំពោះសៀវភៅ សាស្ត្រាចារ្យ Anita Agrawal សកម្មភាពតស៊ូដើម្បីសមភាពយេនឌ័រនិងសមភាពប្រាក់ចំណូល បានសង្កត់ធ្ងន់ទៅលើអត្ថន័យប្រវត្តិសាស្ត្រនៃបណ្ដាស្នាដៃរបស់លោកប្រធាន ហូជីមិញស្ដីពីការប្រកាន់ជាតិសាសន៍។ ចំណែកឯលោក Femi Oloruntoba នាយកក្រុមប្រឹក្សាពាណិជ្ជ កម្មកាណាដា-វៀតណាមបានចែករំលែកថា ស្នាដៃនានារបស់លោកប្រធានហូជីមិញនឹងជួយជនស្បែកខ្មៅក្រេបយកបទពិសោធន៍និងមេរៀនជាច្រើននៅពេលចូលរួមចលនា “Black lives matter” (ជីវិតជនជាតិស្បែកខ្មៅក៏មានតម្លៃដែរ) ព្រមទាំងកសាងកម្មវិធីសកម្មភាពសម្រាប់ពេលអនាគតផងដែរ៕

តាម​ VOV5 - វិទ្យុសម្លេងវៀតណាម