អបអរសាទរបុណ្យជាតិកូរ៉េខាងត្បូងនិងរយៈពេល២៥ឆ្នាំនៃទិវាបង្កើតទំនាក់ទំនងការទូតវៀតណាម-កូរ៉េខាងត្បូង
ពិធីអបអរសាទរបុណ្យជាតិកូរ៉េខាងត្បូងនិងរំលឹកខួបលើកទី២៥នៃទិវាបង្កើតទំនាក់ទំនងការទូតវៀតណាម-កូរ៉េខាងត្បូង បានប្រព្រឹត្តទៅ នាយប់ថ្ងៃទី២៤ ខែវិច្ឆិកា នៅរដ្ឋធានីហាណូយ។
អញ្ជើញថ្លែងមតិនៅទីនេះ ឯកអគ្គរដ្ឋទូតកូរ៉េខាងត្បូងប្រចាំនៅវៀតណាម លោក Lee Hyuk បានរំលឹកឡើងវិញ នូវសមិទ្ធិដែលរដ្ឋាភិបាល និងប្រជាជនកូរ៉េខាងត្បូងទទួលបានក្នុងដំណើរការកសាង អភិវឌ្ឍន៍ប្រទេសជាតិ ក៏ដូចជា ការរីកចំរើនគួរឲ្យកត់សម្គាល់ក្នុងទំនាក់ទំនងសហប្រតិបត្តិ ការមិត្តភាពកូរ៉េខាងត្បូង-វៀតណាមនារយៈពេល ២៥ឆ្នាំកន្លងទៅ។
អញ្ជើញថ្លែងមតិក្នុងពិធី រដ្ឋមន្ត្រីក្រសួងផែនការនិងវិនិយោគវៀតណាម លោក Nguyen Chi Dung បានសម្តែងក្តីសោមន្សរីករាយ ចំពោះការអភិវឌ្ឍន៍ យ៉ាងល្អប្រសើរនៃទំនាក់ទំនង រវាងវៀតណាមជាមួយកូរ៉េខាងត្បូង ព្រមទាំងអះ អាងថា វៀតណាមត្រៀមជា ស្រេចរួមជាមួយកូរ៉េខាងត្បូងអភិវឌ្ឍន៍ថែមទៀត ទំនាក់ទំនងដៃគូសហប្រតិបត្តិការយុទ្ធសាស្ត្រ ជម្រុញកិច្ចសហប្រតិបត្តិការលើ គ្រប់វិស័យជាពិសេសលើវិស័យ សេដ្ឋកិច្ច ពាណិជ្ជកម្ម និងបច្ចេកវិទ្យាខ្ពស់៕
តាម VOV5 - វិទ្យុសម្លេងវៀតណាម