06/06/2019 10:30 GMT+7 Email Print Like 0

អង្គការសហប្រជាជាតិអំពាវនាវឱ្យមានសកម្មភាពក្នុងឱកាសរំលឹកទិវាបរិស្ថានពិភពលោក


  អង្គការសហប្រជាជាតិអំពាវនាវឱ្យមានសកម្មភាពក្នុងឱកាសរំលឹកទិវាបរិស្ថានពិភពលោក
 

 នៅក្នុង​សារឆ្លៀតឱកាសរំលឹកទិវាបរិស្ថានពិភពលោក (ថ្ងៃទី៥ ខែមិថុនា) អគ្គលេ​ខាធិការ​អង្គ​ការ​សហប្រ​ជា​ជាតិ​​ (អ.ស.ប) លោក António Guterres បានសង្កត់ធ្ងន់ថា ទំនា​ក់​ទំនងគ្នា​រវាងកម្រិតនៃ​ការ​បំពុល​បរិយាកាស​កាន់តែ​អាក្រក់ពីមួយថ្ងៃទៅមួយថ្ងៃ  ជាមួយនឹងបញ្ហា​វិបត្តិអាកាសធាតុនាបច្ចុប្បន្ននេះ​ផង​ដែរ។
 
លោក ​António Guterres បានមានប្រសាសន៍ថា ជារៀងរាល់​ឆ្នាំភាព​កខ្វក់​បរិយាកាស​បាន​សម្លាប់​មនុស្សរាប់​លាន​នាក់​ ហើយប៉ះពាល់អវិជ្ជមានដល់ ការអភិវឌ្ឍរបស់ជំនាន់ក្រោយទៀតផង។ លោកបន្តទៀតថា មាន​សារធាតុ​ជាច្រើន​បានបំពុលបរិយាកាស និងជាកត្តាដែលធ្វើឲ្យកំដៅកា​ន់តែកើនឡើងនៅលើពិភពលោក  ក៏​ដូច​ជាបង្ក​ឡើង​បញ្ហាប្រឈមជាច្រើនទៀតដល់មនុស្ស​លោក និងភពផែនដីផងដែរ។ លោក​ António Guterres បានអះ​អាងថា​ការទប់ទល់នឹងបម្រែ    បម្រួលអាកាសធាតុ គឺជាការប្រយុទ្ធដើម្បីការរស់រានមានជីវិត ដែល​មនុស្សត្រូវ​​តែដណ្តើមឲ្យបានជោគជ័យនេះ ដោយផ្តោតលើការយកពន្ធចំពោះសកម្មភា​ព បំពុលបរិស្ថាន ​ព្រមទាំង​បញ្ចប់​ការជួយឧបត្ថម្ភឥន្ធនៈហ្វូស៊ីល​ និងឈប់សាងសង់រោងចក្រប្រើប្រាស់ថ្មី​ផងដែរ។ គួរបញ្ជាក់ថា ​ទិវាបរិស្ថាន​ពិភពលោក​ត្រូវបានរៀបចំឡើងយ៉ាងទូលំទូលាយនៅក្នុងប្រ​ទេសជាង ១០០ ហើយនេះគឺជាឱកា​សមួយសម្រាប់អង្គកា​រសហប្រជាជាតិ ដើម្បី​លើកទឹកចិត្ត​ដល់សហគមន៍​អន្តរជាតិលើកកម្ពស់ការយល់ដឹងក៏​ដូចជាត្រូវ​មាន​សកម្មភាពក្នុងការការពារ​បរិស្ថាន៕​

 

តាម VOV5 - វិទ្យុសំឡេង​វៀតណាម​
 

បណ្តាព័ត៌មានបានផ្សាយ