01/03/2020 13:21 GMT+7 Email Print Like 0

សេចក្តីសម្រេចរបស់ CDC បានឆ្លុះបញ្ចាំងដោយ​សត្យានុម័ត​អំពីលទ្ធផលពី​វិធានការណ៍យ៉ាង​ម៉ឺងម៉ាត់របស់រដ្ឋាភិបាលវៀតណាម​


 ទីស្តីការនៃមជ្ឈមណ្ឌលត្រួតពិនិត្យនិងបង្ការជំងឺឆ្លងរបស់អាមេរិក (CDC)  
 

នាថ្ងៃទី២៧ ខែកុម្ភៈ ឆ្នាំ២០២០ ក្នុងកិច្ចពិភាក្សាជាមួយស្ថានទូតវៀតណាមប្រចាំនៅអាមេរិក មជ្ឈមណ្ឌល​ត្រួត​ពិនិត្យ​និង​បង្ការជំងឺឆ្លងរបស់អាមេរិក (CDC) បានប្រកាសថា ដកវៀតណាម​ចេញ​ពីបញ្ជី​ទិស​ដៅដែ​ល​មាន​ហានិភ័យ​នៃការឆ្លង​មេរោគ COVID-19 នៅក្នុងសហគមន៍។ 

CDC ក៏បាន​វាយតម្លៃខ្ពស់ ចំពោះរាល់ការខិតខំប្រឹងប្រែងរបស់រដ្ឋាភិបាលវៀតណាម ក្នុងការអនុវត្តការ​បង្ការ​និង​ទប់​ស្កាត់ការរីករាលដាលនៃ COVID-19។ មិនត្រឹមតែប៉ុណ្ណោះ  វិធានការត្រួតពិនិត្យ ការដាក់​អោយ​នៅដាច់​ដោយ​ឡែកនិងវិធានការព្យាបាល បានទទួលលទ្ធផលជាវិជ្ជមាន ថែមទាំងរួមចំណែកកាត់បន្ថយ ហានិ​ភ័យនៃ​ការឆ្លងនៅក្នុងសហគមន៍ទៀតផង។
 
យ៉ាងណា​មិញ សេចក្តីសម្រេចរបស់មជ្ឈមណ្ឌលត្រួតពិនិត្យនិងបង្ការជំងឺឆ្លង (CDC) បានឆ្លុះ​បញ្ចាំង​យ៉ាង​ស័ត្យានុម័ត​ អំពីស្ថានភាពជំងឺរាតត្បាតក៏ដូចជា លទ្ធផលនៃវិធានការណ៍យ៉ាងម៉ឺងម៉ាត់របស់រដ្ឋាភិបាល វៀតណាម​​ ក្នុងការបង្ការនិងទប់ទប់នឹង COVID-19។ រហូតមកដល់ពេលនេះ ស្ថានភាពការរីករាលដាលនៃ COVID-19 នៅវៀតណាមត្រូវបានគ្រប់គ្រងយ៉ាងល្អ អ្នកជំងឺ​ទាំង​អស់​ត្រូវ​បាន​ព្យាបាល​ជាសះ​ស្បើយ​ហើយ​បាន​ចេញ​ពីមន្ទីរ​ពេទ្យ។ ទន្ទឹមជាមួយគ្នានោះ បរិស្ថានមានសុវត្ថិភាព ត្រូវបានធានានិងមិន​ជះឥទ្ធិពល​អវិជ្ជមាន​ដល់​សកម្មភាព​អភិវឌ្ឍន៍សេដ្ឋកិច្ចសង្គមនិងទេសចរណ៍ឡើយ។ ការខិតខំប្រឹងប្រែងនិងសមិទ្ធិផលដែលវៀត ណាមសម្រេច​បាន ត្រូវបានអង្គការសុខភាពពិភពលោកនិងសហគមន៍អន្តរជាតិវាយតម្លៃខ្ពស់។ យ៉ាងណាមិញ វៀតណាម​នឹងបន្តឃ្លាំមើលស្ថានការណ៍រាតត្បាតដោយយកចិត្តទុកដាក់នឹងប្តេជ្ញាគ្រប់គ្រងជំងឺ មិន​ទុកអោយ​រីករាល​ដាលជំងឺ ធានាសុវត្ថិភាពបំផុត​សម្រាប់ភ្ញៀវ​ទេសចរ​បរទេស​ដែលមក​ធ្វើទេសចរណ៍​នៅវៀតណាម​ក៏ដូចជា​ចូលរួមព្រឹត្តិការណ៍​អន្តរជាតិនានាផងដែរ៕

 

តាម VOV5 - វិទ្យុសំឡេងវៀតណាម​
 

បណ្តាព័ត៌មានបានផ្សាយ