02/11/2021 11:28 GMT+7 Email Print Like 0

សេចក្តីប្រកាសអំពីជើងហោះហើរត្រង់រវាងវៀតណាមនិងអង់គ្លេស

លោកនាយករដ្ឋមន្ត្រី Pham Minh Chinh និងគណៈប្រតិភូជាន់ខ្ពស់វៀតណាមអញ្ជើញថតរូបជាមួយគណៈប្រតិភូចូលរួមពិធីប្រកាស (រូបថត៖ VOV)


នាថ្ងៃទី៣១ ខែតុលា នៅទីក្រុង Edinburgh (ស្កុតឡេន) នៃចក្រភពអង់គ្លេសនិងអៀរឡង់ខាងជើង លោកនាយករដ្ឋមន្ត្រី Pham Minh Chinh បានអញ្ជើញចូលរួមពិធីប្រកាសអំពីជើងហោះហើរត្រង់រវាងវៀតណាមនិងចក្រភពអង់គ្លេស របស់ក្រុមហ៊ុនអាកាសចរណ៍ Bamboo Airways និងបើកសម្ពោធដាក់ឲ្យដំណើរការទីភ្នាក់ងារតំណាងរបស់ក្រុមហ៊ុន អាកាសចរណ៍ Bamboo Airways នៅក្នុងចក្រភពអង់គ្លេស។

យោងតាមផែនការ Bamboo Airways គ្រោងនឹងដាក់ឱ្យដំណើរការជាផ្លូវការនូវជើងហោះហើរត្រង់ប្រចាំដែលតភ្ជាប់រដ្ឋធានីហាណូយ (អាកាសយានដ្ឋាន Noi Bai) និងទីក្រុងហូជីមិញ (អាកាសយានដ្ឋាន Tan Son Nhat) ជាមួយចក្រភពអង់គ្លេស (អាកាសយានដ្ឋាន Heathrow ទីក្រុងឡុងដ៍) ចាប់ពីចុងឆ្នាំ ២០២១ បន្ទាប់ពីទទួលបានការអនុញ្ញាតពីរដ្ឋាភិបាលនៃប្រទេសទាំងពីរ។ ចំនួនជើងហោះហើរគ្រោងនឹងមានចំនួន ៦ ជុំ/សប្តាហ៍ ហើយនឹងត្រូវបានបង្កើនឡើងជាលំដាប់ដល់ជាប្រចាំនៅឆ្នាំ ២០២២។ ប្រធាន FLC Group និងជាប្រធានក្រុមហ៊ុន Bamboo Airways លោក Trinh Van Quyet បាននិយាយថា៖ “ការបើកជើងហោះហើរត្រង់ទៅកាន់ចក្រភពអង់គ្លេស គឺទាក់ទាញការយកចិត្តទុកដាក់យ៉ាងខ្លាំងពីអង្គភាពអាជីវកម្មក៏ដូចជាប្រជាជនផងដែរ។ ដោយសារតែ ជើងហោះហើរនេះជួយកាត់បន្ថយពេលវេលានិងរយៈចម្ងាយ  ហើយរួមចំណែកធ្វើឲ្យទំនាក់ទំនងនយោបាយកាន់តែជិតស្និទ្ធ ជាពិសេសបើកទីផ្សារទេសចរណ៍ដ៏មានសក្ដានុពល ព្រោះភ្ញៀវមកពីចក្រភពអង់គ្លេសមកកាន់វៀតណាម ជាប់ចំណាត់ថ្នាក់លេខ ២ នៅ អឺរ៉ុប។ ហើយទន្ទឹមនឹងនោះ បង្កើតលក្ខខណ្ឌអំណោយផលសម្រាប់ការផ្លាស់ប្តូរពាណិជ្ជកម្មនិងដំណើរទស្សនកិច្ចរវាងប្រទេសទាំងពីរ”។

សូមគូសបញ្ជាក់ថា ផ្លូវហោះហើរត្រង់រវាងវៀតណាមនិងចក្រភពអង់គ្លេស ដែលដំណើរការដោយផ្ទាល់ ដោយក្រុមហ៊ុនអាកាសចរណ៍វៀតណាម ត្រូវបានគេរំពឹងថា នឹងជំរុញយ៉ាងខ្លាំងនូវកិច្ចសហប្រតិបត្តិការលើគ្រប់វិស័យរវាងប្រទេសទាំងពីរ៕

តាម VOV5 - វិទ្យុសំឡេងវៀតណាម

បណ្តាព័ត៌មានបានផ្សាយ