នៅរដ្ឋធានី Caracas របស់វេណេហ្ស៊ុយអេឡានាពេលថ្មីៗនេះ ស្ថានទូតវៀតណាមប្រចាំនៅវេណេហ្ស៊ុយអេឡា បានសហការជាមួយស្ថានទូតប្រទេសអាស៊ានផ្សេងៗទៀត និងប្រព័ន្ធសេដ្ឋកិច្ចអាមេរិកឡាទីន (SELA) រៀបចំសិក្ខាសាលា អំពីកិច្ចសហប្រតិបតិ្តការសេដ្ឋកិច្ច រវាងតំបន់ទាំងពីរអាស៊ាន-SELA។ ថ្លែងមតិនៅទីនេះ ឯកអគ្គរដ្ឋទូតវៀតណាមប្រចាំ នៅវេណេហ្ស៊ុយអេឡាលោក Ngo Tien Dung បានសង្កត់ធ្ងន់ថា នាពេលខាងមុខ ថ្នាក់ដឹកនាំ នៃភាគីទាក់ទិននានាគប្បីបង្កើនការជួបប្រាស្រ័យ ផ្លាស់ប្ដូរនិងចុះហត្ថលេខាលើកិច្ចព្រមព្រៀងសហប្រតិបតិ្តការអន្តរតំបន់ ព្រមទាំងបើកទូលាយកិច្ចសហប្រតិបត្តិការលើវិស័យជាច្រើន។ លោក Ngo Tien Dung ក៏បានចែករំលែកបទពិសោធន៍ ដែលវៀតណាមទទួលបានក្នុងបុព្វហេតុផ្លាស់ប្ដូរថ្មី ជាពិសេសគឺដំណើរការឧស្សាហូបនីយកម្ម កាត់បន្ថយភាពក្រីក្រ ប្រឆាំងនឹងបម្រែបម្រួលអាកាធេតុ ក៏ដូចជាឱកាសនិងការសាកល្បងរបស់វៀតណាម ក្នុងដំណើរការធ្វើសមាហរណកម្មសេដ្ឋកិច្ចតំបន់ និងពិភពលោកផងដែរ៕
តាម VOV5 - វិទ្យុសម្លេងវៀតណាម
