សារព័ត៌មានអេហ្ស៊ីបនិងអ៊ីស្រាអែលជូនព័ត៌មានអំពីប្រធានាធិបតីអ៊ីស្រាអែលបំពេញទស្សនកិច្ចនៅវៀតណាម
សារព័ត៌មានអេហ្ស៊ីបនិងអ៊ីស្រាអែលជូនព័ត៌មានអំពីប្រធានាធិបតីអ៊ីស្រាអែលបំពេញទស្សនកិច្ចនៅវៀតណាម
ដំណើរទស្សនកិច្ចជាផ្លូវការនៅវៀតណាម របស់ប្រធានាធិបតីអ៊ីស្រាអែលលោក Reuven Ruvi Rivlin ត្រូវបានសារព័ត៌មាននៅមជ្ឈឹមបូព៌ា និងអ៊ីស្រាអែលជូនព័ត៌មានជាបន្តបន្ទាប់។ គេហទំព័រ Youm Sabaa របស់អឹហ្ស៊ីប បានជូនព័ត៍មាន៖ ប្រធានាធិបតីអ៊ីស្រាអែល លោក Reuven Ruvi Rivlin បំពេញទស្សនកិច្ចនៅវៀតណាម ដោយមានគណៈប្រតិភូជាអ្នកសេដ្ឋកិច្ចនិងយោធាធំៗ។ សេចក្ដីស្នូលក្នុងរបៀបវារៈជាទំនាក់ទំនងសេដ្ឋកិច្ច សន្តិសុខ និងយោធារ វាងប្រទេសទាំងពីរ។ ដកស្រង់ពាក្យសំដី របស់ប្រធានាធិបតីលោក Reuven Ruvi Rivlin មុនពេលចេញដំណើរទស្សនកិច្ចលើកនេះ បានអោយដឹងថា៖ “ដំណើរទស្សនកិច្ចលើកនេះ បានបង្ហាញទំនាក់ទំនងជិតស្និទ្ធរវាងប្រទេសទាំងពីរ។ វៀតណាមជាប្រទេសមួយ មានទីតាំងភូមិសាស្ត្រសំខាន់នៅទ្វីបអាស៊ី។”។ វិទ្យុជាតិអ៊ីស្រាអែលនាថ្ងៃទី២១ ខែមិនា ឆ្នាំ២០១៧ បានជូនព័ត៌មានថា៖ ក្នុងជំនួបសន្ទនា ជាមួយប្រធានរដ្ឋវៀតណាម លោក Tran Dai Quang នៅទីក្រុងហាណូយ ប្រធានាធិបតី លោក Reuven Ruvi Rivlin បានអះអាងនូវការខំប្រឹងប្រែងជំរុញ កិច្ចព្រមព្រៀងពាណិជ្ជកម្មសេរី រវាងប្រទេសទាំងពីរ។ ប្រធានរដ្ឋវៀតណាម ក៏បានសង្កត់ធ្ងន់ថា៖ ប្រទេសទាំងពីរ កំពុងមានជំហានលោតផ្លោះជាច្រើន និងដំណើរទស្សនកិច្ចលើកនេះរបស់ប្រធានាធិបតី លោក Reuven Ruvi Rivlin នឹងរួមចំណែកជំរុញកិច្ចសហប្រតិបត្តិការ លើគ្រប់វិស័យ៕
តាម VOV5 - វិទ្យុសំឡេងវៀតណាម