25/09/2020 15:12 GMT+7 Email Print Like 0

សហគ្រាសវៀតណាមនិងម៉ាឡេស៊ីជំរុញកិច្ចសហប្រតិបត្តិការពាណិជ្ជកម្មនិងវិនិយោគ

នាថ្ងៃទី ២៣ ខែកញ្ញា ការិយាល័យពាណិជ្ជកម្មវៀតណាមប្រចាំម៉ាឡេស៊ីនិងសមាគមធុរកិច្ចវៀតណាមនៅម៉ាឡេស៊ី (VMBIZ) បានចុះហត្ថលេខា លើអនុស្សារណៈយោគយល់គ្នាសំដៅពង្រឹងកិច្ចសហប្រតិបត្តិការពាណិជ្ជកម្មនិងវិនិយោគរវាងសហគ្រាសនៃប្រទេសទាំងពីរ។

ទិដ្ឋភាពនៃពិធីចុះហត្ថលេខាលើអនុស្សរណៈនៃការយោគយល់គ្នា (រូបថត៖ TTXVN)


ថ្លែងក្នុងពិធីចុះហត្ថលេខានេះ ឯកអគ្គរដ្ឋទូតវៀតណាមប្រចាំនៅម៉ាឡេស៊ី លោក Le Quy Quynh បានវាយតម្លៃខ្ពស់ ចំពោះការចុះហត្ថលេខាលើអនុស្សារណៈនៃការយោគយល់គ្នារវាងការិយាល័យពាណិជ្ជកម្មវៀតណាមប្រចាំនៅម៉ាឡេស៊ីនិង VMBIZ ដោយសង្កត់ធ្ងន់ថា សេដ្ឋកិច្ចពាណិជ្ជ កម្មនិងការវិនិយោគជាកាណាល់ដ៏សំខាន់ ដើម្បីជំរុញទំនាក់ទំនងទ្វេភាគី។ បន្ទាប់ពីការចុះហត្ថលេខាការិយាល័យពាណិជ្ជកម្មនិង VMBIZ ត្រូវការបង្កើតផ្នែកឯកទេសមួយឲ្យបានឆាប់រហ័សបង្កើនការផ្លាស់ប្តូរព័ត៌មាន ដើម្បីសម្របសម្រួលសកម្មភាពរួមទាំងការនាំទំនិញវៀតណាមដែលមានគុណភាពខ្ពស់ចូលទីផ្សារម៉ាឡេស៊ីផង។ ក្រៅពីនេះ រៀបចំសកម្មភាពដើម្បីតភ្ជាប់និងរៀនសូត្រពីបទពិសោធន៍ជាមួយសមាគមអាជីវកម្មនិងធុរកិច្ចម៉ាឡេស៊ី។

បន្ទាប់ពីពិធីចុះហត្ថលេខារួច សហគ្រាសវៀតណាមនិងម៉ាឡេស៊ីជាច្រើនបានជួបជុំគ្នាដើម្បីផ្លាស់ប្តូរព័ត៌មានក៏ដូចជាស្វែងរកឱកាស សហប្រតិបត្តិការផង៕

តាម VOV5 - វិទ្យុសម្លេងវៀតណាម 

បណ្តាព័ត៌មានបានផ្សាយ