01/08/2019 11:05 GMT+7 Email Print Like 0

សមាជិកព្រឹទ្ធសភាអាមេរិកចំនួន ៤ រូបបានផ្ញើលិខិត​ដោយ​អំពាវនាវអោយរដ្ឋមន្ត្រីការបរទេស​អាមេរិក លោក Mike Pompeo ឡើង​សម្លេងអំពីបញ្ហាសមុទ្រខាងកើត​


 សមាជិកព្រឹទ្ធសភាអាមេរិកចំនួន ៤ រូបបានផ្ញើលិខិតដោយអំពាវនាវអោយរដ្ឋមន្ត្រីការបរទេសអាមេរិក លោក Mike Pompeo ឡើងសម្លេងអំពីបញ្ហាសមុទ្រខាងកើត
 

 យោងតាមអ្នកយកព័ត៌មាននៃវិទ្យុសម្លេងវៀតណាមប្រចាំនៅ សហរដ្ឋអាមេរិកបានឲ្យដឹងថា សមាជិក​ព្រឹទ្ធសភា​អាមេរិក​ចំនួន ៤ រូប រួមមាន​លោក Robert Memendez, លោក Edward Markey, លោក Patrick Leahy និងលោក Brian Schatz នាថ្ងៃទី២៩ ខែកក្កដា បានផ្ញើលិខិតដោយអំពាវនាវ​អោយ​រដ្ឋមន្រ្តី​ក្រសួង​ការបរទេស​អាមេរិក​លោក  Mike Pompeo ឡើងសម្លេងអំពីសកម្មភាពរបស់​ចិន នៅសមុទ្រខាងកើត ខណៈ​ពេល​ដែល​លោក​ Mike Pompeo កំពុងជួបប្រជុំជាមួយមន្រ្តីអា​ស៊ាន​នៅទីក្រុងបាងកក​ប្រទេសថៃ។ 
 
សារលិខិត​នេះបានអំពាវនាវអោយរដ្ឋមន្រ្តីក្រសួង​ការបរទេស​ អាមេរិក លោក Pompeo អោយត្រូវធានាថា រាល់ទង្វើ​បង្ករឿង​ហេតុនិងវាតទីរបស់ចិ​ននៅសមុទ្រខាងកើត​ គឺជាអាទិភាពកំពូល​នៅក្នុងការ​ពិភាក្សា​នៅក្នុង​​បណ្តា​វេទិកាតំបន់​អាស៊ាន (ARF) ដែលប្រព្រឹត្ត​ទៅនាថ្ងៃទី ២ ខែសីហា នៅទី​ក្រុងបាង​កកប្រទេស​ថៃ។ លិខិត​នេះបាន​គូសបញ្ជាក់ពីទង្វើរបស់​ចិន នៅឯតំបន់សេដ្ឋកិច្ចផ្តាច់​មុខរបស់ប្រទេសផ្សេងៗ​ ការ​ធ្វើកំ​ណែ​ទម្រង់​ ធ្វើយោធូបនីយកម្មលើអង្គភាពសិប្បនិម្មិត ធ្វើជាលេសដើម្បីបង្ខំប្រទេសនានា ដោយមិន​អើពើ​ទៅនឹង​សេចក្តី​សម្រេ​ចរបស់តុលាការអាជ្ញាកណ្តាលអចិន្រ្តៃយ៍និង ការដែលចិនបង្កសម្ពាធ ដោយបង្ខំអោយ​ប្រទេស​អាស៊ាន​ ធ្វើសម្បទានក្នុងការចរចាក្រមប្រតិបត្តិ (COC), ទាំងអស់នេះ សុទ្ធតែ​សមនឹង​ទទួ​ល​បាន​ការ​យក​ចិត្ត​ទុក​ដាក់​យ៉ាងខ្លាំងពីសំណាក់សហរដ្ឋអាមេរិក បង្ហាញភាពជាអ្នកដឹកនាំច្រើនថែមទៀត ក៏ដូចជាព​ង្រឹង​កិច្ច​សហប្រតិ​បត្តិការ​ ជាមួយសម្ព័ន្ធមិត្តនិង​ដៃគូនានារបស់អាមេរិកផងដែរ។
 
សមាជិកព្រឹទ្ធ​សភាទាំងបួនរូបនេះ ក៏បានអំពាវនាវអោយរដ្ឋមន្រ្តីក្រសួងការបរទេស លោក Pompeo គូរចាត់​ទុក​ថា ​កិច្ចប្រជុំខាងមុខនេះនៅទី​ក្រុង​បាងកក ជាឱកាស​មួយនៃការ​ស្វែង​រកការ​ស្រុះចិត្ត​គំនិត​ដើម្បី​ការ​ពារ​សិទ្ធិរបស់​សម្ព័ន្ធ​មិត្តនិងដៃគូ ក្រោមអនុសញ្ញាអង្គការសហ​ប្រជាជាតិស្តីពីច្បាប់សមុទ្រ (​UNCLOS) ដើម្បីបញ្ចប់​ការការ​រំលោភ​ច្បាប់របស់ចិន លើសិទ្ធិស្របច្បា​ប់របស់ប្រទេសនានា ធានាច្បា​ប់និងគោរព​យន្តការ​អន្តរជាតិ​៕​

 

តាម VOV5 - វិទ្យុសំឡេង​វៀតណាម​
 

បណ្តាព័ត៌មានបានផ្សាយ