តាមប្រភពព័ត៌មានពីមជ្ឈឹមសមាគមកាកបាទក្រហមវៀតណាម នាថ្ងៃទី២៩ ខែមិថុនា ឆ្នាំ២០១៨ឲ្យដឹងថា សមាគមទើបនឹងផ្គត់ផ្គង់ជានូវទំនិញជួយសង្គ្រោះជនរងគ្រោះដោយទឹកជំនន់ចំនួនពីរលើក រួមមានទឹកប្រាក់និងទំនិញមានតម្លៃ៨៧០លានដុង សម្រាប់ខេត្តពីរ គឺខេត្ត Lai Chau និងខេត្ត Ha Giang។
សមាគមកាកបាទក្រហមវៀតណាមបន្តជួយប្រជាជនដែលរងគ្រោះដោយទឹកជំនន់
មុននោះ នាថ្ងៃទី២៥ មិថុនា មជ្ឈឹមសមាគមកាកបាទក្រហមវៀតណាមបានផ្តល់ជំនួយចំនួន ២៥០ លានដុងសម្រាប់ជួយឧបត្ថម្ភគ្រួសារជនរងការខូចខាតដល់មនុស្សនិងទ្រព្យសម្បត្តិនៅខេត្ត Lai Chau និងខេត្ត Ha Giang។
យោងតាមតួរលេខរបស់គណៈបញ្ជាណែនាំមជ្ឈឹមទទួលបន្ទុកការទប់ទល់នឹងគ្រោះធម្មជាតិគឺទល់នឹងព្រឹកថ្ងៃទី៣០ មិថុនា ភ្លៀងធ្លាក់ខ្លាំងទូទាំងខេត្តព្រៃភ្នំភាគខាងជើងវៀតណាមពីខេត្ត Lai Chau ដល់ខេត្ត Ha Giang ក្នុងអំឡុងពេលពីថ្ងៃទី២៣ដល់ថ្ងៃទី២៦ មិថុនា បណ្តាលឲ្យមនុស្សចំនួន៤០នាក់ត្រូវស្លាប់។ ការខាតបង់សេដ្ឋកិច្ចសរុបត្រូវបានប៉ាន់ប្រមាណថាមានចំនួនជាង 450 ពាន់លានដុង៕
តាម VOV5 - វិទ្យុសម្លេងវៀតណាម
