ពិធីទទួលបដិសណ្ឋារកិច្ចប្រធានាធិបតីប៉ូឡូញ លោក Andzej Duda
ពិធីទទួលបដិសណ្ឋារកិច្ចប្រធានាធិបតីប៉ូឡូញ លោក Andzej Duda មកបំពេញទស្សនកិច្ចថ្នាក់រដ្ឋនៅវៀតណាម បានប្រារពយ៉ាងមហោឡារិតនាព្រឹកថ្ងៃទី២៨ ខែវិច្ឆិកា ឆ្នាំ២០១៧ នៅទីក្រុងហាណូយ។ នៅក្នុងជំនួបចរចាបន្ទាប់ពីពិធីទទួលស្វាគមន៍មក ប្រ ធានរដ្ឋវៀតណាមលោក Tran Dai Quang និងប្រធានាធិបតី លោក Andzej Duda បានឯកភាពលើវិធានការជាក់ស្តែង សំដៅជម្រុញទំនាក់ទំនងទ្វេភាគីលើគ្រប់វិស័យនាពេលខាងមុខ។ឮ
ស្តីពីវិស័យនយោបាយកិច្ចការបរទេស ភាគីទាំងពីរបានឯកភាព បង្កើនការ ផ្លាស់ប្តូរគណៈប្រតិភូគ្រប់ជាន់ថ្នាក់ ជាពិសេស អនុវត្តការពិគ្រោះយោបល់អំពី បណ្តាបញ្ហាតំបន់និងអន្តរជាតិដែលមានការយកចិត្តទុកដាក់ដូចគ្នា។ ភាគីទាំងពីរ បានឯកភាពបន្តរឹតបន្តឹងកិច្ចសហប្រតិបត្តិការ គាំទ្រគ្នាទៅវិញទៅមកលើបណ្តា វេទិកាអន្តរជាតិនិងតំបន់ ជាពិសេសនៅអង្គការសហប្រជាជាតិ ក្នុងក្របខ័ណ្ឌ សហប្រតិបត្តិការ EU, ASEAN និង ASEM។ ថ្នាក់ដឹកនាំទាំងពីររូបក៏បានវាយ តម្លៃខ្ពស់ចំពោះលទ្ធផលវិជ្ជមានទទួលបានក្នុងកិច្ចសហប្រតិបត្តិការពាណិជ្ជកម្ម និងវិនិយោគរវាងប្រទេសទាំងពីរនាពេលកន្លងទៅ និងឯកភាពជម្រុញកិច្ចសហ ប្រតិបត្តិការ លើគ្រប់វិស័យនាពេលខាងមុខ។
វៀតណាមស្វាគមន៍ចំពោះការដែលប៉ូឡូញបានបើកការិយាល័យតំណាង នៃអគ្គនាយកដ្ឋានវិនិយោគនិងពាណិជ្ជកម្មប៉ូឡូញក្នុងឱកាសនេះព្រមទាំងអះ អាងថា វៀតណាមជានិច្ចកាល បង្កលក្ខណៈងាយស្រួលបំផុតសម្រាប់សហគ្រាស ប៉ូឡូញដែលមានបំណងវិនិយោគនៅវៀតណាម។
ស្តីពីបញ្ហាតំបន់និងអន្តរជាតិ ថ្នាក់ដឹកនាំទាំងពីររូបបានសង្កត់ធ្ងន់នូវសារៈសំខាន់នៃការរក្សាសន្តិភាព សន្តិសុខ ជម្រុញកិច្ចសហប្រតិបត្តិការនិងអភិវឌ្ឍន៍ លើពិភពលោក ព្រមទាំងចាត់ទុកថា ជម្លោះទាំងអស់គប្បីដោះស្រាយដោយសន្តិវិធី សមស្របជាមួយច្បាប់អន្តរជាតិ។
បន្ទាប់ពីកិច្ចចរចា ប្រធានរដ្ឋវៀតណាម លោក Tran Dai Quang និងប្រធា នាធិបតីបូឡូញបានអញ្ជើញជាកសិណសាក្សីពិធីចុះហត្ថលេខាលើឯកសារសហប្រតិបត្តិការជាច្រើន។ អញ្ជើញជួបសំណេះ សំណាលជាមួយសារព័ត៌មានបន្ទាប់ ពីកិច្ចចរចាប្រធានរដ្ឋ លោក Tran Dai Quang បានអះអាងថា៖
“ខ្ញុំនិងលោកប្រធានាធិបតីទើបនឹងដំណើរការកិច្ចចរចាប្រកបដោយជោគ ជ័យ។ យើងខ្ញុំបានផ្លាស់ប្តូរមតិនិងឯកភាពលើវិធានការជាក់ស្តែងជាច្រើន សំដៅ ជម្រុញទំនាក់ទំនងទ្វេភាគីនាពេលខាងមុខ។ ឈរលើគ្រឹះស្ថានរឹងមាំនៃទំនាក់ ទំនងដែលបានពូនជ្រំអស់រយៈពេល ៦៧ឆ្នាំកន្លងទៅនោះ រួមទំាងសក្កានុភាព ធំធេងនិងរាល់ការខិតខំប្រឹងប្រែងរបស់ភាគីទាំងពីរ ខ្ញុំជឿជាក់យ៉ាងមុតមាំថា ទំនាក់ទំនងសហប្រតិបត្តិការប្រពៃណីរវាងវៀតណាមនិងប៉ូឡូញ នឹងមានការអភិវឌ្ឍន៍ដោយឥតឈប់ឈរនាពេលខាងមុខ”។
អញ្ជើញឆ្លើយតបវិញ ប្រធានាធិបតីបូឡូញ លោក Andzej Duda បាន សង្កត់ធ្ងន់ថា៖ “ទំនាក់ទំនងវៀតណាម -បូឡូញដែលមានប្រពៃណីមិត្តភាពសហប្រតិបត្តិ ការយូរអង្វែងហើយនាពេលកន្លងទៅមានសញ្ញាយ៉ាងល្អប្រ សើរជាច្រើនបញ្ជាក់ នូវទំនាក់ទំនងនោះ។ កិច្ចព្រមព្រៀងទាំងអស់ដែលបានចុះហត្ថលេខានាថ្ងៃនេះ ជាមូលដ្ឋានជម្រុញកិច្ចសហប្រតិបត្តិការនាពេលខាងមុខ។ ខ្ញុំជឿជាក់ថា ជាមួយ នឹងការចុះហត្ថលេខាលើកិច្ចព្រមព្រៀងទាំងនេះ នឹងជួយឲ្យសហគ្រាសនៃប្រ ទេសទាំងពីរបើកទូលាយសកម្មភាពនៅទីផ្សារវៀតណាមនិងប៉ូឡូញ។ ជាពិសេសគឺកញ្ចប់អាហារូបករណ៍សម្រាប់និស្សិតវៀតណាម នៅបន្តការសិក្សានៅប៉ូឡូញ”។
នាពេលរសៀលថ្ងៃដដែល ប្រធានាធិបតីប៉ូឡូញ លោក Andzej Duda បាន អញ្ជើញជួបសម្តែងការគួរសមអគ្គលេខាបក្ស លោក Nguyen Phu Trong និងនា យករដ្ឋមន្ត្រី លោក Nguyen Xuan Phuc ផងដែរ៕
តាម VOV5 - វិទ្យុសម្លេងវៀតណាម