សកម្មភាពសាកសួរសុខទុក្ខនិងជូនពរបុណ្យតេតរបស់ស្ថាប័នតំណាងកាទូតនៅឯបរទេស
ឯកអគ្គរដ្ឋទូតវៀតណាមប្រចាំនៅឡាវ លោក Nguyen Ba Hung (រូបថត៖TTXVN)
នារសៀលថ្ងៃទី២៥ ខែមករា ឆ្នាំ២០១៧ ឯកអគ្គរដ្ឋទូតវៀតណាមប្រចាំនៅឡាវ លោក Nguyen Ba Hung បានអញ្ជើញទៅសាកសួរសុខទុក្ខជូនពរបុណ្យចូលឆ្នាំថ្មី និងជូនអំណោយ ចំពោះគ្រួសារកម្មាភិបាលបដិវត្តន៍ជើងចាស់ ដែលកំពុងរស់នៅនៅប្រទេសឡាវ។ ឯកអគ្គរដ្ឋទូត Nguyen Ba Hung តាងនាមបក្ស រដ្ឋាភិបាលនិងប្រជាជនវៀតណាម នៅក្នុងប្រទេស ក៏ដូចជាសហគមន៍ជនវៀតណាមនៅឡាវ បានសំដែងការដឹងគុណដ៏ស្មោះសរចំពោះពលីកម្មដ៏ខ្ពង់ខ្ពស់របស់បណ្ដាគ្រួសារក្នុងដំណាក់កាលសង្គ្រាម ក៏ដូចជាការរួមវិភាគទានដ៏ធំធេង របស់ពួកគេចំពោះ បដិវត្តន៍និងចំពោះប្រទេសឡាវភាតរៈ។
នាយប់ថ្ងៃទី២៥ ខែមករា ឆ្នាំ២០១៧ គណៈប្រតិភូនៃស្ថានទូតវៀតណាមប្រចាំនៅអាល់ហ្សេរី បានទៅសាកសួរសុខទុក្ខនិងជូនពរបុណ្យតេតប្រពៃណី ចំពោះកម្មាភិបាល វិស្វករ នៃសាជីវកម្មប្រេងឧស្ម័នរវាងអគ្គក្រុមហ៊ុនរុករក និងធ្វើអាជីវកម្មប្រេងឧស្ម័នវៀតណាម (PVEP) សម្ព័ន្ធក្រុមហ៊ុនថាមពលជាតិអាល់ហ្សេរី Sonatrach និងក្រុមហ៊ុនប្រេងឧស្ម័ន PTTEP របស់ថៃ ក្នុងឱកាសបុណ្យតេតឆ្នាំរកានព្វស័ក២០១៧៕
តាម VOV5 - វិទ្យុសំឡេងវៀតណាម