នារសៀលថ្ងៃទី២៤និងព្រឹកថ្ងៃទី២៥ ខែមករា ឆ្នាំ២០១៨ (តាមម៉ោងតំបន់) ឧបនាយករដ្ឋមន្ត្រី រដ្ឋាភិបាលវៀតណាម លោក Vuong Dinh Hue បានអញ្ជើញបន្តចូលរួមរាល់សកម្ម ភាពនៅសន្និសីទប្រចាំឆ្នាំនៃវេទិកាសេដ្ឋកិច្ចពិភពលោក (WEF) លើកទី ៤៨ នៅទីក្រុង Davos ប្រទេសស្វីស និងជួបប្រាស្រ័យជាមួយដៃគូសំខាន់ៗមួយចំនួន។
ឧបនាយករដ្ឋមន្ត្រី លោក Vuong Dinh Hue អញ្ជើញទទួលជួបជាមួយអគ្គនាយកអង្គការពលពលកម្មអន្តរជាតិ (ILO)
អញ្ជើញថ្លែងមតិនៅជំនួបសន្ទនាជាមួយថ្នាក់ដឹកនាំសកលលោកស្តីពី ការប្រមូលផ្តុំប្រភពកម្លាំងហិរញ្ញវត្ថុទាំងអស់សម្រាប់ការអភិវឌ្ឍចីរភាព លោក Vuong Dinh Hue បានចាត់ទុកថា រដ្ឋាភិបាលទាំងឡាយគប្បីកសាងនិងសុក្រិតបណ្តាយន្តការនិងរូបភាពទាក់ទាញវិនិយោគឯកជនទៅក្នុងការអភិវឌ្ឍក្នុងសង្គម។ ជាងនេះទៅទៀត ជម្រុញការធ្វើសមាហរណកម្ម បង្កើតនិងអភិវឌ្ឍន៍ដោយតម្លាភាពនូវទីផ្សារសេវាកម្ម អប់រំ បណ្តុះបណ្តាល សុខាភិបាល បរិស្ថាននិងថាមពលជាដើម។
នៅខាងក្រៅសន្និសីទ WEF Davos ឧបនាយករដ្ឋមន្ត្រី លោក Vuong Dinh Hue បានអញ្ជើញជួបសម្តែងការគួរសមប្រធានាធិបតីហ្គីណេព្រះមហាក្សត្រិយានីហូឡង់ រដ្ឋមន្ត្រីការបរទេសអាហ្សង់ទីន ឧត្តមស្នងការពាណិជ្ជកម្មសហភាពអឺរ៉ុប (EU) អគ្គនាយកអង្គការពលពលកម្មអន្តរជាតិ (ILO) និងថ្នាក់ដឹកនាំសម្ព័ន្ធក្រុមហ៊ុនមួយចំនួន ផងដែរ៕
តាម VOV5 - វិទ្យុសម្លេងវៀតណាម
