ទិដ្ឋភាពនៃកិច្ចប្រជុំ (រូបថត៖ Thanhnien)
កិច្ចប្រជុំជាន់ខ្ពស់នៃក្រុមដៃគូផ្នែកថាមពលវៀតណាមលើកទី២ បានប្រារព្ធ ឡើងនាថ្ងៃទី២៦ ខែវិច្ឆិកា ឆ្នាំ២០១៨ នៅរដ្ឋធានីហាណូយ។ ខ្លឹមសារលេចធ្លោនៃកិច្ចប្រជុំ លើកនេះគឺរាល់អនុសាសន៍ ស្ដីពីគោលនយោបាយរបស់ក្រុមដៃគូផ្នែកឋាមពលវៀតណាម សំដៅជំរុញការអភិវឌ្ឍនៃវិស័យថាមពលវៀតណាម ក្នុងអាទិភាពទាំង៥នោះគឺ ថាមពលកកើតឡើងវិញ ប្រសិទ្ធភាពនៃថាមពល រៀបចំរចនាសម្ព័ន្ធ វិស័យថាមពលឡើងវិញ ការទាក់ទងទៅនឹងថាមពល និងទិន្នន័យនិងការស្ថិតិ ថាមពល។ អនុរដ្ឋមន្រ្តីក្រសួងឧស្សាហកម្មនិងពាណិជ្ជកម្មវៀតណាម លោក Dang Hoang An និងសហប្រធានកិច្ចប្រជុំចំនួន២រូបទៀតនោះគឺ លោក Bruno Angelet ឯកអគ្គរដ្ឋទូតសហភាពអឺរ៉ុបប្រចាំ នៅវៀតណាមនិងលោក Ousmane Dione នាយកធនាគារពិភពលោកប្រចាំនៅវៀតណាម បានកត់សម្គាល់នូវតម្លៃ នៃអនុសាសន៍ទាំងនេះចំពោះការអភិវឌ្ឍនៃវិស័យថាមពលវៀតណាម ព្រមទាំង បានអនុម័តលើអនុសាសន៍ទាំងនេះ ដើម្បីដំណើរការអនុវត្តន៍នាពេលខាងមុខផងដែរ៕
តាម VOV5 - វិទ្យុសំឡេងវៀតណាម
