23/10/2021 17:13 GMT+7 Email Print Like 0

វៀតណាមលើកតម្កើងតួនាទីស្ត្រីក្នុងការរក្សានិងកសាងសន្តិភាព

នាថ្ងៃទី ២១ ខែតុលា ក្រុមប្រឹក្សាសន្តិសុខអង្គការសហប្រជាជាតិបានបើកកិច្ចពិភាក្សាលើប្រធានបទ “ការវិនិយោគ លើស្ត្រីក្នុងការរក្សានិងការកសាងសន្តិភាព” ក្រោមអធិបតីភាពលោកស្រី Raychelle Omamo រដ្ឋមន្ត្រីការទូតនៃប្រទេសកេនយ៉ា ដែលជាប្រធានប្តូរវេននៃក្រុមប្រឹក្សាសន្តិសុខក្នុង ខែតុលា ឆ្នាំ ២០២១។

ឯកអគ្គរដ្ឋទូត លោក Dang Dinh Quy ប្រធានតំណាងគណៈប្រតិភូវៀតណាមប្រចាំនៅអ.ស.ប

អញ្ជើញថ្លែងមតិនៅទីនេះ ឯកអគ្គរដ្ឋទូត លោក Dang Dinh Quy ប្រធានតំណាងគណៈប្រតិភូវៀតណាមប្រចាំនៅអ.ស.ប បានសង្កត់ធ្ងន់លើសារៈសំខាន់នៃបទពិសោធន៍ ចំណេះដឹង ការយល់ដឹង និងជំនាញរបស់ស្ត្រីលើគ្រប់វិស័យ រួមទាំងសន្តិភាព និងនយោបាយ។ សិទ្ធិ ផលប្រយោជន៍ និងតម្រូវការរបស់ស្ត្រីគួរតែត្រូវបានធានា និងលើកកម្ពស់នៅថ្នាក់មូលដ្ឋាន ថ្នាក់ជាតិ និងអន្តរជាតិ។ ស្ត្រីក៏ត្រូវបំពាក់ដោយចំណេះដឹង និងជំនាញចាំបាច់ ដើម្បីចូលរួមប្រកបដោយអត្ថន័យលើគ្រប់វិស័យនៃជីវភាពនយោបាយ សង្គមនិងសេដ្ឋកិច្ច។
លោកឯកអគ្គរដ្ឋទូតបានអះអាងថា ការបង្កើនការចូលរួមរបស់ស្ត្រីលើគ្រប់វិស័យនៃជីវភាពរស់នៅគឺជាអាទិភាពកំពូលរបស់វៀតណាម ។ លោកឯកអគ្គរដ្ឋទូតក៏បានលើកឡើងអំពីគោលនយោបាយ និងសមិទ្ធិផលរបស់វៀតណាមក្នុងវិស័យដែលបានលើកឡើងខាងលើ ព្រមទាំងការរួមចំណែករបស់នាយទាហានយោធាស្ត្រីវៀតណាមក្នុងប្រតិបត្តិការរក្សាសន្តិភាពរបស់អង្គការសហប្រជាជាតិនៅសាធារណរដ្ឋអាហ្វ្រិកកណ្តាល និងស៊ូដង់ខាងត្បូង៕

តាម VOV5 - វិទ្យុសម្លេងវៀតណាម

បណ្តាព័ត៌មានបានផ្សាយ