05/05/2021 15:38 GMT+7 Email Print Like 0

វៀតណាមផ្ដល់ជំនួយជាសម្ភារៈបរិក្ខារពេទ្យ សាច់ប្រាក់និងចាត់បញ្ជូនអ្នកជំនាញទៅ ជួយប្រទេសឡាវឆ្លើយតបនឹងជម្ងឺ កូវីដ ១៩

អនុរដ្ឋមន្រ្តីការបរទេសវៀតណាម លោក To Anh Dung (ខាងស្ដាំ) ប្រគល់ជានិមិត្តរូបទឹកប្រាក់ចំនួន៥០ម៉ឺនដុល្លាអាមេរិកជូនឧបនាយករដ្ឋមន្រ្តីឡាវ លោក Kikeo Khaykhamphithoune។ (រូបថត៖ VOV)
 

នាព្រឹកថ្ងៃទី៤ ខែឧសភា ឆ្នាំ២០២១ នៅព្រលានយន្តហោះអន្តរជាតិ Vattay រដ្ឋធានីវៀងច័ន្ទ ប្រទេសឡាវ បានប្រព្រឹត្តទៅពិធីប្រគល់អំណោយរបស់បក្ស រដ្ឋនិងប្រជាជនវៀត ណាម សំដៅជួយឧបត្ថម្ភបក្សរដ្ឋនិងប្រជាជនឡាវ ឆ្លើយតបនឹងជម្ងឺរាតត្បាត កូវីដ ១៩។ ថ្លែងនៅពិធីនេះ អនុរដ្ឋមន្រ្តីការបរទេសវៀតណាម លោក To Anh Dung បាន សង្កត់ធ្ងន់ថា វៀតណាមជានិច្ចកាលប្រកៀកស្មាជាមួយឡាវក្នុងការប្រយុទ្ធប្រឆាំងនឹង ជម្ងឺ កូវីដ ១៩ ព្រមទាំងជឿជាក់ថា ក្រោមការដឹកនាំដ៏ឈ្លាសវៃនិងប្ដូរផ្ដាច់របស់បក្ស រដ្ឋ រួមជាមួយការប្ដេជ្ញាចិត្តនិងការស្រុះចិត្តគំនិតរបស់អាជ្ញាធរនិងប្រជាជនទាំងមូល ប្រទេសនិងប្រជាជនឡាវជាបងប្អូននឹងជំនះលើជម្ងឺ កូវីដ ១៩ យ៉ាងឆាប់ៗ ស្ដារសេដ្ឋ កិច្ចសង្គមឡើងវិញ ហើយបន្តអភិវឌ្ឍប្រកបដោយចីរភាព។

ក្នុងឱកាសនេះដែរ បក្ស រដ្ឋ និងប្រជាជនវៀតណាមបានប្រគល់ជូនបក្ស រដ្ឋនិងប្រជាជនឡាវ ទឹកប្រាក់ចំនួន៥០ម៉ឺនដុល្លាអាមេរិក ហើយរៀបចំជើងហោះហើរបន្ទាន់ ដឹកសម្ភារៈបរិក្ខារពេទ្យ រួមមាន ម៉ាស់សុខាភិបាលចំនួន២លានម៉ាស់ ម៉ាស៊ីនជំនួយដក ដង្ហើម ២០០ គ្រឿងនិងសារធាតុគីមីកំចាត់មេរោគ Chloramine B ១ម៉ឺនគីឡូក្រាម ដើម្បីជួយឡាវឆ្លើយតបនឹងជម្ងឺ កូវីដ ១៩។ ជើងហោះហើរពិសេសពីទីក្រុងហាណូយ នេះ ក៏ដឹកក្រុមអ្នកជំនាញសុខាភិបាលវៀតណាមចំនួន៣៥នាក់ ដែលទៅជួយឧបត្ថម្ភ ឡាវក្នុងការងារបង្ការប្រយុទ្ធប្រឆាំងនឹងជម្ងឺរាតត្បាតដូចជាបង្កើតប្រព័ន្ធធ្វើតេស្តរហ័ស និងបង្កើតមន្ទីរពេទ្យបណ្ដោះអាសន្នផងដែរ៕

តាម VOV5 - វិទ្យុសំឡេងវៀតណាម

បណ្តាព័ត៌មានបានផ្សាយ