08/08/2020 13:37 GMT+7 Email Print Like 0

វៀតណាមនឹងបន្តសហប្រតិបត្តិការជាមួយអាមេរិកនិងដៃគូនានាក្នុងការដោះស្រាយបញ្ហាប្រឈមរួម


ឧបនាយករដ្ឋមន្រ្តីនិងជារដ្ឋមន្រ្តីការបរទេសវៀតណាមលោក Pham Binh Minh
 

នាថ្ងៃទី៦ ខែសីហា ឆ្នាំ​២០២០ ឧបនាយករដ្ឋមន្រ្តីនិងជារដ្ឋមន្រ្តីការបរទេសវៀតណាមលោក Pham Binh Minh បានជួបពិភាក្សាតាមទូរស័ព្ទជាមួយរដ្ឋមន្រ្តី ការបរទេសអាមេរិកលោក Michael Pompeo អំពីទំនាក់ទំនងរវាងប្រទេស ទាំងពីរក្នុងឱកាសរំលឹកខួបលើកទី២៥ទិវាបង្កើតទំនាក់ទំនងការទូត ក៏ដូច ជាអំពីបញ្ហាតំបន់និងអន្តរជាតិនានាដែលភាគីទាំងពីរមានការយកចិត្តទុក ដាក់ដូចគ្នាផងដែរ។
 
នៅទីនេះ ឧបនាយករដ្ឋមន្រ្តី រដ្ឋមន្រ្តរីការបរទេសវៀតណាមលោក Pham Binh Minh បានអះអាងថា វៀតណាមចាត់ទុកអាមេរិកជាដៃគូមួយ ក្នុងចំណោមដៃគូសំខាន់ជួរមុខ ហើយវាយតម្លៃខ្ពស់ចំពោះកម្មវិធីសហប្រតិ បត្តិការមនុស្សធម៌ ជំនះពុះពារលើផលវិបាកដោយសង្គ្រាម បោសសម្អាត សារធាតុគីមីពុល dioxin ដែលបានរួមចំណែកយ៉ាងសំខាន់ក្នុងការពង្រឹង ទំនុកចិត្តរវាងប្រទេសទាំងពីរ។
 
ក្នុងឋានៈជាប្រធានអាស៊ានឆ្នាំ២០២០និងសមាជិកមិនអចិន្រ្តៃយ៍នៃ ក្រុមប្រឹក្សាសន្តិសុខអង្គការសហប្រជាជាតិអាណត្តិឆ្នាំ២០២០-២០២១ វៀត ណាមនឹងបន្តសហប្រតិបត្តិការជាមួយអាមេរិកនិងដៃគូផ្សេងៗទៀតក្នុងការដោះស្រាយបញ្ហាប្រឈមរួម រួមចំណែករក្សាសន្តិភាព ស្ថិរភាព សន្តិសុខ និងការអភិវឌ្ឍនៅតំបន់និងលើពិភពលោក។
 
ជាការឆ្លើយតប រដ្ឋមន្រ្តីការបរទេសអាមេរិកលោក Michael Pompeo បានអះអាងថា អាមេរិកយកចិត្តទុកដាក់យ៉ាងខ្លាំងហើយសន្យារក្សាទំនាក់ ទំនងស្ថិរភាពជាមួយវៀតណាម ក៏ដូចជាបន្តបង្កើនកិច្ចសហប្រតិបត្តិការ មនុស្សធម៌ ជំនះពុះពារលើផលវិបាកដោយសង្គ្រាមសម្រាប់វៀតណាមផង ដែរ។ លោក Michael Pompeo បានសម្ដែងនូវគោលបំណងចង់បន្តសហ ការជាមួយវៀតណាមដើម្បីជំរុញទំនាក់ទំនងភាពជាដៃគូយុទ្ធសាស្ត្ររវាង អាមេរិក-អាស៊ានឲ្យបានខ្លាំងក្លាថែមទៀត។
 
ក្នុងឱកាសនេះដែរ ភាគីទាំងពីរក៏បានពិភាក្សាអំពីវិធានការឆ្លើយតប នឹងជម្ងឺ Covid-19 ជួយឧបត្ថម្ភដល់ការធ្វើមាតុភូមិនិវត្តន៍សម្រាប់ពលរដ្ឋនៃ ប្រទេសទាំងពីរ ក៏ដូចជាសហការយ៉ាងស្អិតរមួតក្នុងការស្ដារឡើងវិញនិង រក្សាខ្សែសង្វាក់ផ្គត់ផ្គង់ក្នុងតំបន់និងលើទូទាំងសកលលោកផងដែរ៕

តាម​ VOV5 - វិទ្យុសំឡេងវៀតណាម​


បណ្តាព័ត៌មានបានផ្សាយ