25/02/2019 18:38 GMT+7 Email Print Like 0

លោកអគ្គលេខាធិការបក្ស ប្រធានរដ្ឋ ង្វៀន ភូត្រុង ( Nguyen Phu Trong) ចាប់ផ្តើមដំណើរបំពេញទស្សនកិច្ចជាផ្លូវរដ្ឋ នៅព្រះរាជាណចក្រកម្ពុជា

នារសៀលថ្ងៃទី ២៥ ខែកុម្ភៈ ឆ្នាំ២០១៩ លោកអគ្គលេខាធិការបក្ស ប្រធានរដ្ឋ ង្វៀន ភូត្រុង ( Nguyen Phu Trong) រួមជាមួយគណៈប្រតិភូជាន់ខ្ពសវៀតណាមបានមកដល់រាជធានីភ្នំពេញ ចាប់ផ្តើមដំណើរបំពេញទស្សនកិច្ចជាផ្លូវរដ្ឋ នៅព្រះរាជាណចក្រកម្ពុជា តបតាមការអញ្ជើញរបស់ព្រះករុណា ព្រះបាទ សម្តេចព្រះបរមនាថ នរោត្តម សីហមុនី ព្រះមហាក្សត្រកម្ពុជា។

ពិធីទទួលស្វាគមន៍  លោកអគ្គលេខាធិការបក្ស ប្រធានរដ្ឋ ង្វៀន ភូត្រុង ( Nguyen Phu Trong) បានរៀបចំយ៉ាងមហោឡារិក នៅព្រះបរមរាជវាំង តាមពិធីការដ៏ខ្ពង់ខ្ពស់បំផុតសំរាប់ថ្នាក់ដឹកនាំនៃប្រទេសមួយ។

លោកអគ្គលេខាធិការបក្ស ប្រធានរដ្ឋ ង្វៀន ភូត្រុង ( Nguyen Phu Trong) បានមកដល់
ព្រលានយន្តហោះ អន្តជាតិពោចិនតុង រាជធានីភ្នំពេញ។
រូបថត៖ ទ្រីយុង  –ទីភ្នាក់ងារសារព័ត៌មានវៀតណាម


ពិធីទទួលស្វាគមន៍​លោកអគ្គលេខាធិការបក្ស ប្រធានរដ្ឋ ង្វៀន ភូត្រុង ( Nguyen Phu Trong)
បានរៀបចំ​នៅព្រលាន​យន្តហោះអន្តជាតិពោចិនតុង រាជធានីភ្នំពេញ។
រូបថត៖ ទ្រីយុង  –ទីភ្នាក់ងារសារព័ត៌មានវៀតណាម
 
កុមារីជនជាតិខ្មែរម្នាក់បានជូនផ្កា និងជម្រាបជូន លោកអគ្គលេខាធិការបក្ស ប្រធានរដ្ឋ
ង្វៀន ភូត្រុង ( Nguyen Phu Trong) ។ រូបថត៖ ទ្រីយុង  –ទីភ្នាក់ងារសារព័ត៌មានវៀតណាម

 
អ្នកតំណាង ប្រជាជនបានទទួលស្វាគមន៍ លោកអគ្គលេខាធិការបក្ស ប្រធានរដ្ឋ ង្វៀន ភូត្រុង ( Nguyen Phu Trong) នៅព្រលានយន្តហោះ អន្តជាតិពោចិនតុង រាជធានីភ្នំពេញ។
រូបថត៖ ទ្រីយុង  –ទីភ្នាក់ងារសារព័ត៌មានវៀតណាម

 

ព្រះករុណា ព្រះបាទ សម្តេចព្រះបរមនាថ នរោត្តម សីហមុនី ព្រះមហាក្សត្រកម្ពុជាអញ្ជើញជាព្រះអធិបតីក្នុងពីធីទទួលស្វាគមន៍នេះនៅព្រះបរមរាជវាំង។ បន្ទាប់មក លោកអគ្គលេខាធិការបក្ស ប្រធានរដ្ឋ ង្វៀន ភូត្រុង ( Nguyen Phu Trong) បានចូលគាល់ ព្រះករុណា ព្រះបាទ សម្តេចព្រះបរមនាថ នរោត្តម សីហមុនី ព្រះមហាក្សត្រកម្ពុជា នៅព្រះបរមរាជវាំង។

នេះគឺជាលើកដំបូងដែលលោកអគ្គលេខាធិការបក្ស ប្រធានរដ្ឋ ង្វៀន ភូត្រុង ( Nguyen Phu Trong) អញ្ជើញមកបំពេញទស្សនកិច្ចជាផ្លូវរដ្ឋ នៅព្រះរាជាណាចក្រកម្ពុជា ចាប់ពីលោកបានឡើងកាន់តំណែងជាប្រធានរដ្ឋ ដែលបង្ហាញការយកចិត្តទុកដាក់របស់វៀតណាមលើការពង្រឹង និងបង្កើនទំនាក់ទំនងមិត្តភាព កិច្ចសហប្រតិបត្តិការលើគ្រប់វិស័យរវាងវៀតណាម - កម្ពុជា./.

ទីភ្នាក់ងារសារព័ត៌មានវៀតណាម/ កាសែតរូបភាពវៀតណាម


បណ្តាព័ត៌មានបានផ្សាយ