09/06/2020 11:19 GMT+7 Email Print Like 0

រដ្ឋសភាវៀតណាមពិភាក្សាអំពីសេដ្ឋកិច្ចនិងសង្គម


 ទិដ្ឋភាពនៃការពិភាក្សានេះ (រូបថត៖ TTXVN)
 

នារសៀល​ថ្ងៃទី៨ ខែមិថុនា ឆ្នាំ​២០២០ នៅទីក្រុងហាណូយ សមាជិកសមាជិការសភាបានពិភាក្សាតាមក្រុម អំពីរបាយ​ការណ៍​ស្តីពីសេដ្ឋកិច្ចសង្គមនិងថវិការដ្ឋ។ សមាជិកសមាជិការសភាបានឲ្យដឹងថា គោល​ដៅ​ចម្បង​នាពេល​បច្ចុប្បន្ននេះគឺមិនគួរតែធ្វេសប្រ​ហែស ដើម្បីរក្សាបាននូវសមិទ្ធផល​នៃការ​គ្រប់គ្រងជំងឺរាតត្បាត Covid-19។

ថ្លែង​មិតក្នុងកិច្ចពិភាក្សានេះ នាយករដ្ឋមន្រ្តីវៀតណាមលោក Nguyen Xuan Phuc ឲ្យដឹងថា ដើម្បី​ទទួល​បាន​គោល​ដៅ​កំណើនសេដ្ឋកិច្ចឆ្នាំ ២០២០ ចាប់ពី ៤% ទៅ ៤.៥% គឺចាំបាច់ត្រូវការចូលរួមរបស់បក្សទាំងមូល ប្រជាជន​ទាំងមូលនិងកងទ័ពទាំងមូល ដើម្បីរួមគ្នា ដោះស្រាយរាល់ការលំបាក​និង​ជំនះ​ពុះពារ​រាល់​បញ្ហាប្រឈម​ផង​ដែរ​។ នាយករដ្ឋមន្រ្តីលោក Nguyen Xuan Phuc  បានមានប្រសាសន៍ថា៖ “ក្នុងអណត្តិខាងមុខនេះ យើង​ត្រូវ​តែ​មានគោលការណ៍និងវិធានការល្អប្រសើរថែមទៀត ដិតដល់ថែមទៀត ដើម្បីជួយ​ដោះស្រាយ​រាល់​ការ​លំបាក​នានា។ យើងត្រូវទទួលបាននូវលំហូរវិនិយោគថ្មីចូលមកវៀតណាម ដែលនោះគឺជា​តម្រូវ​ការដ៏​ធំធេង​មួយ​ដែរ​។ រដ្ឋាភិបាលបានដាក់ជូនរដ្ឋសភានូវយន្តការមួយថា ប្រសិនបើឆ្នាំ​នេះក្រសួង​ណាមួយ​មិន​រំដោះ​ចំណាយ​​ថវិកាការ​វិនិយោគ​សាធារណៈនោះ យើងខ្ញុំ​នឹងផ្ទេរដើមទុនទៅកាន់ក្រសួងផ្សេង​ទៀត ហើយតំបន់​ណាមួយដែល​មិនរំដោះចំណាយថវិកាទុន​ វិនិយោគសាធារណៈល្អនោះយើង​ខ្ញុំក៏នឹងផ្ទេរ​ទៅកាន់​តំបន់​ផ្សេងៗ​ទៀតផង​ដែរ"៕​
 

តាម VOV5 - ​វិទ្យុសំឡេង​វៀតណាម
 

បណ្តាព័ត៌មានបានផ្សាយ