រដ្ឋសភាវៀតណាមនិងរដ្ឋសភាអ៊ីរ៉ង់ឯកភាពបង្កើនកិច្ចសហប្រតិបត្តិការលើគ្រប់វិស័យ
រដ្ឋសភាវៀតណាមនិងរដ្ឋសភាអ៊ីរ៉ង់ឯកភាពបង្កើនកិច្ចសហប្រតិបត្តិការលើគ្រប់វិស័យ
អនុប្រធានរដ្ឋសភាវៀតណាម លោក Do Ba Ty បានដឹកនាំគណៈប្រតិភូរដ្ឋសភា វៀតណាម ទៅបំពេញទស្សនកិច្ចជាផ្លូវការ នៅសាធារណរដ្ឋឥស្លាមអ៊ីរ៉ង់ ក្នុងអំឡុង ពេលពីថ្ងៃទី២៨ ដល់ថ្ងៃទី៣០ ខែសីហា ឆ្នាំ២០១៧។
ក្នុងក្របខ័ណ្ឌនៃដំណើរទស្សនកិច្ចនេះ គណៈ ប្រតិភូរដ្ឋសភានៃប្រទេសទាំងពីរ បានអនុវត្តជំនួបពិភាក្សារួម។ អនុប្រធានរដ្ឋសភា អ៊ីរ៉ង់ លោក Ali Motahari និងអនុប្រធានរដ្ឋសភាវៀតណាម លោក Do Ba Ty បាន ឯកភាព បង្កើនទំនាក់ទំនង កិច្ចសហប្រតិបត្តិការ រវាងរដ្ឋសភានៃប្រទេសទាំងពីរ លើគ្រប់វិស័យ ដូចជា បង្កើនការផ្លាស់ប្តូរគណៈប្រតិភូគ្រប់ជាន់ថ្នាក់ និងផ្លាស់ប្តូរបទ ពិសោធន៍លើវិស័យតាក់តែងច្បាប់ជាដើម។ ប្រធានរដ្ឋសភាអ៊ីរ៉ង់ បានសង្កត់ធ្ងន់ថា អ៊ីរ៉ង់មានបំណង អភិវឌ្ឍន៍ទំនាក់ទំនងលើគ្រប់វិស័យជាមួយវៀតណាម ព្រមទាំង អះអាងថា នឹងរួមសហការជាមួយរដ្ឋសភាវៀតណាម ជម្រុញការអនុវត្តរាល់កិច្ចព្រម ព្រៀងដែលបានចុះហត្ថលេខារវាងប្រទេសទាំងពីរ រួមចំណែកនាំទំនាក់ទំនង សហប្រតិបត្តិការសេដ្ឋកិច្ចរវាងប្រទេសទាំងពីរឲ្យសមស្រប ជាមួយនឹងទំនាក់ទំនងនយោ បាយនិងសក្កានុភាពរបស់ប្រទេសទាំងពីរ៕
តាម VOV5 - វិទ្យុសម្លេងវៀតណាម