30/01/2020 15:29 GMT+7 Email Print Like 0

ពិធីបុណ្យរំលឹក ខួបលើកទី ២៣១ ឆ្នាំ នៃជ័យជម្នះ Ngoc Hoi-Dong Da


ពិធីបុណ្យរំលឹកខួបលើកទី ២៣១ ឆ្នាំ នៃជ័យជម្នះ Ngoc Hoi-Dong Da (រូបថត៖ ទីភ្នាក់ងារសារព័ត៌មានវៀតណាម)

នាព្រឹកថ្ងៃទី ២៩ ខែមករា(ថ្ងៃទី ៥ នៃបុណ្យតេតប្រពៃណីជាតិ) ពិធីបុណ្យរំលឹក ខួបលើកទី ២៣១ ឆ្នាំ នៃជ័យជម្នះ Ngoc Hoi-Dong Da (1989-2020) បានប្រព្រឹត្តិទៅយ៉ាងមហោឡារិកនៅកេរ្តិ៍ដំណែលជាតិពិសេសទួល Dong Da (ទីក្រុងហាណូយ) សំដៅ រំលឹកគុណូបការៈដ៏ធំធេងរបស់ស្តេច Quang Trung-Nguyen Hue និងកងទ័ព Tay Son ដែលបានប្រយុទ្ធ និងពលីជីវិតយ៉ាងអង់អាចក្លាហាន ក្នុងការប្រយុទ្ធប្រឆាំងនឹងពួកខ្មាំងសត្រូវឈ្លានពាន ការពារយ៉ាងរឹងមាំនូវខឿនឯករាជ្យប្រទេសជាតិ។

ចាប់ពីវេលាម៉ោង ៧ ព្រឹក ប្រជាជន និងភ្ញៀវទេសចរយ៉ាងច្រើនកុះករបានមកដល់មណ្ឌលកេរ្តិ៍ដំណែលទួល Dong Da ដើម្បីរំលឹកគុណូបការៈដ៏ធំធេងរបស់ស្តេច Quang Trung និងកងទ័ព Tay Son កាលពី ២៣១ ឆ្នាំមុន។ លោក Tran Khac Tai មកពី សង្កាត់ Trung Liet ខ័ណ្ឌ Dong Da ទីក្រុងហាណូយ បានសំណេះសំណាលថា៖

“ក្នុងរយៈពេល ១០ ឆ្នាំកន្លងទៅ ខ្ញុំតែងតែមកទីនេះជាប្រចាំឆ្នាំ។ ខ្ញុំពិតជាគោរពកោតសរសើរវិវះបុរសអាវក្រណាត់ Quang Trung រួមទាំងមេទ័ព និងទាហាន ដែលបានពលីជីវិតជាច្រើន ដើម្បីបង្កើតជ័យជំនះដ៏ធំធេងនៅ Thang Long”។

អញ្ជើញថ្លែងនៅក្នុងពិធីបុណ្យនេះ ប្រធានគណៈកម្មាធិការប្រជាជនខ័ណ្ឌ Dong Da លោក Vo Nguyen Phong បានអះអាងថា៖ ជ័យជំនះ Ngoc Hoi – Dong Da បានអះអាងនូវសិល្បៈយោធាដ៏អស្ចារ្យរបស់កងទ័ព Tay Son ។
តាមរយៈជ័យជំនះនេះ ប្រជាជាតិវៀតណាម ក្រោមការដឹកនាំដ៏ដ៏ប៉ិនប្រសប់របស់ស្ដេច Quang Trung បានវាយបំបាក់ការប៉ុនប៉ងឈ្លានពានរបស់កងទ័ពឈិង រំដោះប្រទេស និងរក្សាឯករាជ្យភាពជាតិ។ជ័យជំនះ Ngoc Hoi – Dong Da គឺជាការផ្គុំមកនូវប្រពៃណីស្នេហាជាតិ ស្រឡាញ់ឯករាជ្យ សេរីភាពរាប់ពាន់ឆ្នាំរបស់ប្រជាជាតិ; អះអាងនូវស្មារតីសាមគ្គីភាព អង់អាចក្លាហានជាវរៈបទចម្រៀង អមតៈក្នុងប្រវត្តិសាស្ត្រតស៊ូកសាង និងការពារប្រទេសជាតិដ៏មហិមារបស់ប្រជាជាតិ៕

តាម VOV5 - វិទ្យុសម្លេងវៀតណាម 

បណ្តាព័ត៌មានបានផ្សាយ