ទិដ្ឋភាពនៃសន្និសីទ CSOM (រូបថត៖ VOV5)
សប្ដាហ៍ជាន់ខ្ពស់នៃវេទិកាសេដ្ឋកិច្ចអាស៊ី-ប៉ាស៊ីហ្វិក (APEC) បានប្រារព្ធនា ថ្ងៃទី៦ ខែវិច្ចិកា ឆ្នាំ២០១៧ នៅទីក្រុង Da Nang ភាគកណ្ដាលវៀតណាម ជាមួយសន្និសីទបូក សរុបមន្ត្រីជាន់ខ្ពស់ APEC (CSOM)។ សន្និសីទ CSOM ប្រព្រឹត្តទៅក្នុងថ្ងៃទី៦ និងទី៧ ខែវិច្ចិកា ក្រោមអធិបតីភាពរបស់អនុរដ្ឋមន្រ្តីការបរទេស និងជាប្រធាន SOM APEC ២០១៧ លោក Bui Thanh Son។
ថ្លែងមតិប្រារព្ធសន្និសីទ អនុរដ្ឋមន្រ្តីលោក Bui Thanh Son បានឲ្យដឹងថា បើទោះបីជាមានការសាកល្បងជាច្រើនក្ដី ប៉ុន្តែខឿនសេដ្ឋកិច្ចសមាជិក APEC ទាំងអស់បានខំប្រឹងប្រែង ទទួលបានលទ្ធផលសំខាន់ជាច្រើន រក្សាកម្លាំងចលករ សហប្រតិបតិ្តការ ជំរុញអាទិភាពសំខាន់ៗក្នុងឆ្នាំ APEC ២០១៧៖
“សន្និសីទផ្ដោតសំខាន់លើគោលដៅចំនួន២។ ទី១គឺវាយតំលៃចំពោះលទ្ធ ផលសហប្រតិបតិ្តការរបស់ខឿនសេដ្ឋកិច្ចនានាក្នុងឆ្នាំនេះ ហើយរាយការណ៍ លទ្ធផលនោះក្នុងកិច្ចប្រជុំថ្នាក់រដ្ឋមន្ត្រីនិងថ្នាក់ដឹកនាំ។ ទី២គឺដើម្បីសំរេចលើ សេចក្ដីថ្លែងការណ៍សន្និសីទអន្តររដ្ឋមន្ត្រីការបរទេស-សេដ្ឋកិច្ច APEC និងសេចក្ដី ថ្លែងការណ៍ក្នុងកិច្ចប្រជុំថ្នាក់ដឹកនាំ APEC នោះ ខ្ញុំមានបំណងថា មន្ត្រី APEC នានានឹងពិភាក្សាលើស្មារតីស្ថាបនាដើម្បីចាត់ការលើបញ្ហានៅសេសសល់ ហើយ ត្រៀមរៀបចំឲ្យបានល្អសំរាប់កិច្ចប្រជុំនាពេលខាងមុខរបស់រដ្ឋមន្រ្តីការបរទេស APEC និងថ្នាក់ដឹកនាំ APEC”។
នាថ្ងៃដដែលក៏បានប្រារព្ធឡើងវេទិកាសម្លេង អនាគត APEC ផងដែរ។ គោលដៅនៃវេទិកានេះគឺជំរុញការចូលរួមរបស់យុវជនក្នុងខ្លឹមសារសហប្រតិបតិ្តការនានា របស់ APEC ហើយបង្កើនការជួបប្រាស្រ័យរវាងយុវជន និស្សិតក្នុងតំបន់។
សប្ដាហ៍ជាន់ខ្ពស់ APEC ជាសកម្មភាពចុងក្រោយនិងសំខាន់បំផុតក្នុង ឆ្នាំ APEC ២០១៧។ តំណាងពី១២ពាន់ដល់១៤ពាន់ នៃខឿនសេដ្ឋកិច្ចសមាជិកទាំង២១ នឹងចូលរួមព្រឹត្តិការណ៍នេះ៕
តាម VOV5 - វិទ្យុសម្លេងវៀតណាម
