ប្រារព្ធសន្និសីទលើកទី៣ ថ្នាក់មន្ត្រីជាន់ខ្ពស់ APEC (SOM ៣)
ប្រារព្ធសន្និសីទលើកទី ៣ ថ្នាក់មន្ត្រីជាន់ខ្ពស់ APEC (SOM ៣)
នាព្រឹកថ្ងៃទី២៩ ខែសីហា ឆ្នាំ២០១៧ នៅទីក្រុងហូជីមិញ បានប្រារព្ធឡើងសន្និសីទលើកទី ៣ ថ្នាក់មន្ត្រីជាន់ខ្ពស់ APEC (SOM ៣)។ ចូលរួមសន្និសីទនេះមានមន្ត្រីជាន់ខ្ពស់តំណាង ឲ្យខឿនសេដ្ឋកិច្ចជាសមាជិក ចំនួន ២១ ប្រធាន SOM APEC ជាដើម។ អញ្ជើញជាអធិបតី និងថ្លែងមតិនៅទីនេះ អនុរដ្ឋមន្ត្រីក្រសួងការបរទេសវៀតណាម និងជាប្រធានវេទិកាជាន់ខ្ពស់ APEC ឆ្នាំ ២០១៧ លោក Bui Thanh Son បានអះអាងថា យថាទស្សន៍សេដ្ឋកិច្ចសកលលោកនាបច្ចុប្បន្ន គឺល្អជាងបើប្រៀបនឹងដើមឆ្នាំ ២០១៧ ហើយ APEC ជាតំបន់មានការអភិវឌ្ឍន៍យ៉ាងខ្លាំងក្លាបំផុត។ ប៉ុន្តែ នៅតំបន់នៅមានឧបសគ្គជាច្រើនដូចជា ការវិនិយោគនៅទាប សេរីភាវូបនីយកម្មពាណិជ្ជកម្មនៅយឺតយ៉ាវ។ ក្នុងរយៈពេល ២ ថ្ងៃប្រព្រឹត្តិទៅ អង្គសន្និសីទបានផ្ទៀងស្ដាប់របាយការណ៍ប្រធានក្រុមប្រឹក្សាពិគ្រោះយោបល់សហគ្រាសស្ដីពីលទ្ធផលនៃកិច្ចប្រជុំមុន និងការត្រៀមរៀបចំរបាយការណ៍ដាក់ជូនសន្និសីទថ្នាក់ដឹកនាំសេដ្ឋកិច្ច APEC ។ ក្រោយមក គឺជាការបកស្រាយស្ដីពីការត្រៀមរៀបចំសម្រាប់អាទិភាពនានា នៃ APEC របស់ប្រធានបណ្ដាគណៈកម្មការជំនាញដូចជា៖ គណៈកម្មការពាណិជ្ជកម្ម និងវិនិយោគ គណៈកម្មាការគ្រប់គ្របថវិការជាដើម។ អញ្ជើញថ្លែងមតិនៅទីនេះ លោក Bui Thanh Son បានថ្លែងយ៉ាងដូច្នេះថា៖
“SOM ៣ គឺមានសារៈសំខាន់ណាស់។ នេះគឺជាសន្និសីទថ្នាក់មន្ត្រីជាន់ខ្ពស់ ដើម្បីធ្វើការពិភាក្សា តម្រង់ទិសសម្រាប់ឯកសារនានាត្រៀបរៀបចំដាក់ជូនសប្តាហ៍ជាន់ខ្ពស់ ជាពិសេសគឺកិច្ចប្រជុំជាន់ខ្ពស់ នៃថ្នាក់ដឹកនាំសេដ្ឋកិច្ចនៃខឿនសេដ្ឋកិច្ច APEC នានា នាចុងឆ្នាំនេះ”៕
តាម VOV5 - វិទ្យុសម្លេងវៀតណាម