08/04/2020 13:22 GMT+7 Email Print Like 0

ប្រព័ន្ធផ្សព្វផ្សាយអន្តរជាតិវាយតម្លៃខ្ពស់ចំពោះវិធានការប្រយុទ្ធប្រឆាំងនឹងជំងឺ Covid-19 របស់វៀតណាម


 ទិដ្ឋភាពនៅខាងក្រៅកន្លែងដាក់នៅដាច់ដោយឡែកមួយនៅវៀតណាម  (រូបថត៖ Reuters)
 

សារព័ត៌​មានតាមអ៊ិនធឺរណែត អង្គការសេដ្ឋកិច្ច និងស្ថានីយ៍ទូរ​ទស្សន៍​អន្តរ​ជាតិ​ជាច្រើន​បាន​វាយ​តម្លៃខ្ពស់​ចំពោះ​គំរូ​របស់ វៀតណាមក្នុងការបង្ការនិងប្រយុទ្ធប្រឆាំងនឹងជំងឺរាតត្បាត Covid-19 ព្រមទាំងធ្វើ​ការ​វិភាគ​យ៉ាង​ស៊ី​ជម្រៅដើម្បីដកបទពិសោធន៍ល្អ​ៗពីប្រទេស វៀតណាមផងដែរ។
 
កាសែត Financial Times និងគេហទំព័រ វេទិកាសេដ្ឋកិច្ចពិភពលោក (Weforum) មានអត្ថបទសរសេរ​កាល​ពីខែ​មីនា​ឆ្នាំ ២០២០ ដោយសង្កត់ធ្ងន់ថា    វៀតណាមមានករណីឆ្លងជំងឺ Covid-19 ទាប ហើយ​មិន​ទាន់​កត់​ត្រា​អ្នក​ស្លាប់ ដោយជំងឺរាតត្បាតនេះទេ។ វៀតណាម​មាន​ភាព​ម្ចាស់​ការ​ក្នុង​ការរក​ឃើញ​ពីហានិភ័យ​នៃជំងឺ​រាតត្បាត​ Covid-19 និងកៀងគរបាននូវប្រភពធន​ធាននានាប្រកប​ដោយប្រសិទ្ធភាព ដើម្បីទប់​ស្កាត់​នឹង​ការរីករាល​ដាល​នៃជំងឺនេះផងដែរ។ Finacial Times បានឲ្យដឹងថាវៀតណាមបានក្លាយ​ជាគំរូនៃ​ការប្តេជ្ញាចិត្ត ក្នុងការ​ប្រយុទ្ធប្រឆាំង​នឹងជំងឺឆ្លងនេះក្រោមលក្ខខ័ណ្ឌធនធានមានកំណត់។ ទ​ន្ទឹមនឹងនេះ ស្ថានីយ៍ទូរទស្ស​ន៍អាឡឺម៉ង់ DW ក៏បានមានអត្ថបទវិភាគអំពីប្រៀប​ខ្លាំងរបស់វៀតណាមក្នុងការប្រយុទ្ធ​ប្រឆាំង នឹងជម្ងឺ Covid-19 ហើយបានកត់សម្គាល់ អំពីតួនាទី​របស់កង​ទ័ពនិង​ប្រព័ន្ធ​នយោបាយ​វៀត​ណាម​ក្នុង​ការ​ប្រយុទ្ធ​ប្រឆាំង​នឹង​ជំងឺ Covid- 19។ DW ក៏ទទួលស្គាល់ថាស្មារតីស្នេហាជាតិនិងមោទនភាពជាតិ គឺជាកម្លាំង​ចលករ​ដ៏សំខាន់​សម្រាប់ប្រជាជន​វៀតណាម ដើម្បីជួយ​គាំទ្រនិង​សម្របសម្រួល​ជាមួយ​រដ្ឋាភិបាល​ដើម្បី​បុព្វហេតុ​រួមផង​ដែរ៕

 

តាម VOV5 - វិទ្យុសំឡេងវៀតណាម​
 

បណ្តាព័ត៌មានបានផ្សាយ