15/10/2021 14:03 GMT+7 Email Print Like 0

ប្រធានរដ្ឋវៀតណាមអញ្ចើញជួបសំណេះសំណាលជាមួយតំណាងសម្ព័ន្ធសមាគមន៍សហគ្រិនអតីតយុទ្ធជនវៀតណាម

នារសៀលថ្ងៃទី ១៤ ខែតុលា នៅទីក្រុងហាណូយ ប្រធានរដ្ឋវៀតណាម លោក Nguyen Xuan Phuc បានអញ្ជើញជួបសំណេះសំណាលជាមួយតំណាងសហគ្រិនអតីតយុទ្ធជនឆ្នើមចំនួន ៤៥ រូប ដែលតំណាងឲ្យសម្ព័ន្ធសមាគមសហគ្រិនអតីតយុទ្ធជននៅទូទាំងប្រទេស។
 

ប្រធានរដ្ឋវៀតណាមអញ្ចើញជួបសំណេះសំណាលជាមួយតំណាងសម្ព័ន្ធសមាគមន៍សហគ្រិនអតីតយុទ្ធជនវៀតណាម (រូបថត៖ VNA)


អញ្ជើញថ្លែងនៅក្នុងពិធីនេះ លោកប្រធានរដ្ឋ Nguyen Xuan Phuc បានលើកសំណើរថា៖ “ខ្ញុំស្នើឲ្យសម្ព័ន្ធសមាគម និងសមាជិកគ្រប់រូបនៃសម្ព័ន្ធសមាគមបន្តពង្រីកប្រពៃណី អំពីរាល់សមិទ្ធផលប្រកបដោយមោទនភាព ដែលយើងសម្រេចបានក្នុងរយៈពេលកន្លងទៅ។ ខ្ញុំសង្ឃឹមថា ចំនួនសហគ្រិនជាអតីតយុទ្ធជនដែលទទួលបានជោគជ័យនឹងកាន់តែកើនឡើងពីមួយថ្ងៃទៅមួយថ្ងៃ ហើយបន្តដើរតួនាទីជាកម្លាំងរីកសាយភាយរាល់គុណសម្បត្តិដ៏ល្អប្រពៃរបស់សហគ្រិនអតីតយុទ្ធជន កងទ័ពលោកអ៊ុំហូ នៅសមរភូមិសេដ្ឋកិច្ច សង្គម ក៏ដូចជាបំផុសក្ដីជឿទុកចិត្ត បំណងប្រាថ្នា ឆន្ទៈឈានឡើង ដើម្បីលើកទឹកចិត្តដល់បណ្ដាកម្លាំងសង្គម និងសមាសភាគសេដ្ឋកិច្ច ព្រមទាំងរួមវិភាគទានកសាងប្រទេសជាតិ ជាពិសេសគឺស្ដារសេដ្ឋកិច្ចឡើងិវិញ ក្នុងបរិបទក្រោយជំងឺកូវីដ ១៩ ផងដែរ”។

លោកប្រធានរដ្ឋក៏មានគោលបំណងថាសម្ព័ន្ធសមាគមបន្តលើកកម្ពស់ប្រសិទ្ធភាពផលិតកម្ម និងធ្វើអាជីវកម្ម បន្តអនុវត្តន៍សកម្មភាពស្ម័គ្រចិត្ត ជាពិសេសគឺជួយឧបត្ថម្ភដល់ជនរងគ្រោះដោយជាតិគីមីពុលព័ណលឿងទុំ និងអតីតយុទ្ធជន ដែលមានស្ថានភាពលំបាកផងដែរ៕

តាម VOV5 - វិទ្យុសំឡេងវៀតណាម

បណ្តាព័ត៌មានបានផ្សាយ