ក្នុងក្របខ័ណ្ឌនៃបណ្តាសកម្មភាពអបអរសាទរខួបលើកទី ៤៥ នៃទិវាបង្កើតទំនាក់ទំនងការទូតវៀតណាម-ជប៉ុន នាយប់ថ្ងៃទី៧ ខែកញ្ញា ឆ្នាំ២០១៨ នៅទីក្រុងហាណូយ ប្រធានរដ្ឋវៀតណាម លោក Tran Dai Quang និងភរិយា បានអញ្ជើញចូលរួមកម្មវិធីប្រគុំតន្ត្រី សម្តែងដោយវង់ភ្លេងមហោរី NHK Symphony Orchestra ។

ប្រធានរដ្ឋ លោក Tran Dai Quang និងភរិយាអញ្ជើញចូលរួមកម្មវិធីប្រគុំតន្ត្រីអបអរសាទរខួបលើកទី៤៥នៃទិវាបង្កើតទំនាក់ទំនងការទូតវៀតណាម-ជប៉ុន(រូបថតៈ TTXVN)

វត្តមានរបស់លោកប្រធានរដ្ឋវៀតណាមនិងភរិយានៅក្នុងរាត្រីនេះបានសរបញ្ជាក់ពីការគោរពរបស់​វៀតណាមចំ​ពោះទំនាក់ទំនងទ្វេភាគីវៀតណាម-ជប៉ុនឆ្លើយតបទៅនឹងវត្តមានរបស់ព្រះចៅអធិរាជនិងព្រះមហេសីជប៉ុន នៅក្នុងពិធីអបអរសាទរខួបលើកទី៤៥នៃទិវាបង្កើតទំនាក់ទំនងការទូតវៀតណាម-ជប៉ុនដែលបានរៀបចំឡើងក្នុងក្របខ័ណ្ឌនៃដំណើរទស្សនកិច្ចផ្លូវរដ្ឋនៅជប៉ុនរបស់ប្រធានរដ្ឋនិងភរិយាដែលប្រព្រឹត្តទៅពីថ្ងៃទី២៩ខែឧសភាដល់ថ្ងៃទី២មិថុនាឆ្នាំ២០១៨កន្លងទៅ ក៏ដូចជាកម្ម វិធីប្រគំតន្រ្តីអបអរសាទរខួបលើកទី៤៥នៃទិវាបង្កើតទំនាក់ទំនងការទូតវៀតណាម-ជប៉ុនសម្តែងដោយវង់ភ្លេងមហោរីជាតិវៀតណាមនាខែកក្កដាមុននេះ ផងដែរ៕

តាម VOV5 - វិទ្យុសម្លេងវៀតណាម