ប្រធានរដ្ឋវៀតណាមនិងភរិយាអញ្ជើញទៅដល់ព្រលានយន្តហោះអន្តរជាតិខេត្ត Luxor ចាប់ផ្តើមដំណើរទស្សនកិច្ចនៅអេហ្ស៊ីប 

 នា​រសៀលថ្ងៃទី២៥ ខែសីហា ឆ្នាំ​២០១៨ ប្រធានរដ្ឋវៀត ណាម លោក Tran Dai Quang និងភរិយា បាន​អញ្ជើញ​ទៅ​ដល់​ខេត្ត Luxor ចាប់ផ្តើមដណើរ​ទស្សនកិច្ចផ្លូវរដ្ឋ​នៅ អេហ្ស៊ីប តាមការអញ្ជើញរបស់ប្រធានាធិប​តីអេហ្ស៊ីប លោក ​Abdel Fattah Al Sisi។​ 
 
ទទួល​ប្រធានរដ្ឋ លោក Tran Dai Quang និងលោកជំទាវនៅព្រលានយន្តហោះអន្តរ ជាតិ Luxor មាន​វត្ត​មាន​អភិបាល​ខេត្ត Luxor លោក Mohammed Badr រួមទាំងមន្ត្រីរដ្ឋអំណាចខេត្ត Luxor  ឯកអគ្គរដ្ឋ​ទូត​វៀត​ណាម​ប្រចាំ​នៅអេ​ហ្ស៊ីប​ លោក Do Hoang Long និងភរិយា រួ​មទាំងមន្ត្រីស្ថានទូតវៀតណាមប្រចាំនៅអេហ្ស៊ី​បផង​ដែរ​។
 
ដំណើរទស្សនកិច្ចផ្លូវរដ្ឋនៅអេហ្ស៊ីបរបស់លោក Tran Dai Quang លើកនេះជា ដំណើរ​ទស្សន​កិច្ច​ផ្លូវ​ការ​ដើម​ដំបូង​​របស់​​ប្រមុខរដ្ឋវៀតណាមទៅកាន់អេហ្ស៊ីប គិតតាំងពីពេល​ប្រទេស​ទាំង​ពីរ​បង្កើត​ទំនាក់​ទំនង​ការ​ទូត​កាល​ពីឆ្នាំ​១៩៦៣មក។ ដំណើរទស្សនកិច្ចនេះបានរួមចំណែកអះអាងសារជាថ្មី រាល់​ការ​សន្យាដែល​ប្រទេស​ទាំង​ពីរ​បាន​ចុះហត្ថលេខានាឆ្នាំ២​០១៧ ក៏ដូចជា ជម្រុញវិធាន​ការមួយចំនួន សំដៅ បង្កើនថែម​ទៀត​ កិច្ច​សហប្រតិ​បត្តិការ​ទ្វេភាគី​លើគ្រប់វិស័យ  ដូចជានយោបាយ សេដ្ឋកិច្ច-ពាណិជ្ជកម្ម វប្បធម៌និងអប់រំជាដើម។ ទន្ទឹម​ជា​មួយ​​​គ្នា​នោះ ក៏បានអះអាងនូវបំណងប្រាថ្នារបស់វៀតណាម ចង់បន្តជម្រុញការ​អភិវឌ្ឍ​នៃទំនាក់​ទំនង​ទ្វេភាគី​វៀត​​ណាម​ - អេហ្ស៊ីបឲ្យកាន់តែជាក់ស្តែងប្រកបដោយប្រ​សិទ្ធភា​ព៕
 

តាម VOV5 - វិទ្យុសំឡេង​វៀតណាម​