ប្រធានរដ្ឋលោក Tran Dai Quang ទទួលជួបជាមួយឯកអគ្គរដ្ឋទូតឆែកមកជំរាបលា
ប្រធានរដ្ឋលោក Tran Dai Quang ទទួលជួបជាមួយឯកអគ្គរដ្ឋទូតឆែកលោក Martin Kleppeko មកជំរាបលា
នាព្រឹកថ្ងៃទី២៩ ខែធ្នូ ឆ្នាំ២០១៦ នៅវិមានប្រធានរដ្ឋ ប្រធានរដ្ឋវៀតណាម លោក Tran Dai Quang បានអញ្ជើញទទួលជួបជាមួយអគ្គរដ្ឋទូតសាធារណរដ្ឋឆែកប្រចាំនៅវៀតណាម លោក Martin Kleppeko មកជំរាបលាបញ្ចប់បេសកម្មការទូតនៅវៀតណាម។ ថ្លែងមតិនៅទីនេះ លោក Tran Dai Quang បានស្នើឲ្យឆែកបន្តគាំទ្រនិងជម្រុញទំនាក់ទំនងដៃគូ និងកិច្ចសហប្រតិបត្តិការលើគ្រប់វិស័យរវាងវៀតណាម ជាមួយសហភាពអឺរ៉ុប (EU) និងឆាប់ចុះហត្ថលេខាលើកិច្ចព្រមព្រៀងពាណិជ្ជកម្មសេរីវៀតណាម-EU (EVFTA) ព្រមទាំងទទួលស្គាល់យន្តការសេដ្ឋកិច្ចទីផ្សាររបស់វៀតណាម។
រីឯខ្លួនវិញ ឯកអគ្គរដ្ឋទូត Martin Kleppeko ក៏បានថ្លែងអំណរគុណ ចំពោះរាល់ការវាយតម្លៃសកម្ម របស់ប្រធានរដ្ឋវៀតណាម ចំពោះការខំប្រឹងប្រែងរបស់ឯកអគ្គរដ្ឋទូត ក្នុងការជម្រុញទំនាក់ទំនងមិត្តភាព រវាងសាធារណរដ្ឋឆែកជាមួយវៀតណាម។ នាពេលខាងមុខ ប្រទេសទាំងពីរ គប្បីជម្រុញខ្លាំងការផ្លាស់ប្តូរនិងជួបប្រាស្រ័យវប្បធម៌ ដើម្បីពង្រឹងការយល់ដឹង រវាងប្រជាជននៃប្រទេសទាំងពីរ ជាពិសេស បង្កើនកិច្ចសហប្រតិបត្តិការលើគ្រប់វិស័យ៕
តាម VOV5 - វិទ្យុសំឡេងវៀតណាម