បរិមាណភ្ញៀវទេសចរណ៍នៅតំបន់មួយចំនួនកើនយ៉ាងខ្លាំងក្នុងបុណ្យចូលឆ្នាំថ្មី ប្រពៃណី
ភ្ញៀវទេសចរណ៍អន្តរជាតិទៅទស្សនាតំបន់ជនបទវៀតណាម
មន្ទីរគយនៅច្រកទ្វារព្រលានយន្តហោះអន្តរជាតិ Noi Bai នៅរដ្ឋធានីហាណូយបានឲ្យដឹងថា ចាប់តាំងពីថ្ងៃទី៧ ខែកុម្ភៈ ដល់ថ្ងៃទី១០ ខែកុម្ភៈ (ត្រូវនឹងថ្ងៃទី២៩ ខែទី១២ ឆ្នាំ២០១៥ ដល់ថ្ងៃទី៣ ខែទី១ ឆ្នាំ២០១៦ តាមច័ន្ទគតិ) មានភ្ញៀវជាង៥ម៉ឺន៣ពាន់នាក់ បានចេញចូលទីក្រុងហាណូយ តាមច្រកទ្វារព្រលានយន្តហោះអន្តរជាតិ Noi Bai។ ក្នុងចំណោមភ្ញៀវទាំងនេះ ភាគច្រើនគឺអាណិកជនវៀតណាមវិលត្រឡប់មកស្រុកកំណើតនិងភ្ញៀវទេសចរណ៍អន្តរជាតិ។ ក្នុងរយៈពេល៣ថ្ងៃដើមនិទាឃរដូវឆ្នាំវកអដ្ឋស័ក២០១៦ ទីក្រុង Da Nang ភាគកណ្ដាលវៀតណាម បានទទួលភ្ញៀវទេសចរណ៍ជាង២សែននាក់ កើនឡើង១៦%បើប្រៀបនឹងរយៈពេលដូចគ្នានៃឆ្នាំទៅមិញ ក្នុងនោះ បរិមាណភ្ញៀវអន្តរជាតិគឺ៧៨ពាន់នាក់។ លោក Tran Chi Cuong នាយករងមន្ទីរវប្បធម៌ - កីឡានិងទេសចរណ៍ទីក្រុង Da Nang បានឲ្យដឹងថា៖
“ឆ្នាំនេះ គោលដៅរបស់ទីក្រុងគឺខំប្រឹងប្រែងលើកកំពស់គុណភាព សេវាកម្មទេសចរណ៍។ ទីពីរគឺបើកទូលាយបន្ថែមសេវាកម្មកំសាន្ត សំដៅបង្កើនបន្ថែមរយៈពេលស្នាក់នៅទីក្រុងរបស់ភ្ញៀវទេសចរណ៍”៕
តាម VOV5 - វិទ្យុសម្លេងវៀតណាម