20/12/2019 14:39 GMT+7 Email Print Like 0

បណ្ដាប្រទេសមេគង្គ - ឡានធឿងបង្កើនកិច្ចសហប្រតិបត្តិការដើម្បីការអភិវឌ្ឍប្រកបដោយចីរភាព

នារសៀលថ្ងៃទី ១៨ ខែធ្នូ   គណៈកម្មការទន្លេមេគង្គ MRC បានចេញសេចក្តីប្រកាសព័ត៌មានឲ្យដឹងថា លេខាធិការដ្ឋាន MRC និងមជ្ឈមណ្ឌលសហប្រតិបត្តិការធនធានទឹកមេគង្គ - ឡានធឿងបានចុះហត្ថលេខាលើកិច្ចព្រមព្រៀងសហប្រតិបត្តិការសំដៅបង្កើនប្រសិទ្ធភាពសម្រាប់វិស័យសហប្រតិបតិ្តការសំខាន់ៗមួយចំនួនរវាងភាគីទាំងពីរទាក់ទងនឹងតំបន់ទន្លេមេគង្គ។

ទន្លេមេគង្គហូរឆ្លងកាត់តំបន់ត្រីកោណមាសរវាងថៃ ឡាវ និងមីយ៉ាន់ម៉ា (រូបថត៖ TTXVN)

យោងតាមកិច្ចព្រមព្រៀង ក្នុងរយៈពេល ៥ ឆ្នាំខាងមុខ ភាគីទាំងពីរនឹងធ្វើការរួមគ្នាតាមរយៈសកម្មភាពអភិវឌ្ឍន៍និងការគ្រប់គ្រងធនធានទឹកនិងបណ្ដាធនធានពាក់ព័ន្ធដើម្បីរួមគ្នាជំរុញការអភិវឌ្ឍសេដ្ឋកិច្ចនិងសង្គមប្រកបដោយចីរភាពរបស់បណ្ដាប្រទេសនៅតំបន់ទន្លេមេគង្គ។

បន្ទាប់ពីពិធីចុះហត្ថលេខាភាគីទាំងពីរបានឯកភាពគ្នាធ្វើការស្រាវជ្រាវរួមអំពីស្ថានភាពគ្រោះរាំងស្ងួតនិងកំរិតទឹកទាប នៅឆ្នាំ ២០១៩ នៅអាងទន្លេមេគង្គទាំងនៅផ្នែកខាងក្រោមនិងផ្នែកខាងលើ។ យោងតាមនេះ ផែនការនឹងចាប់ផ្តើមនៅខែមករាហើយរំពឹងថានឹងបញ្ចប់នៅខែកញ្ញាឆ្នាំ ២០២០។ គោលដៅនៃក្នុងការស្រាវជ្រាវនេះគឺជាស្វែងរកមូលហេតុនិងផលប៉ះពាល់នៃគ្រោះរាំងស្ងួតនិងកំរិតទឹកទាបក្នុងឆ្នាំ ២០១៩។ ដោយផ្អែកលើការស្រាវជ្រាវនោះ ភាគីទាំងពីរនឹងផ្តល់នូវដំណោះស្រាយនិងសកម្មភាពទាក់ទងនឹងការចែករំលែកនិងលើកកម្ពស់គុណភាពទិន្នន័យ ព័ត៌មានរវាងប្រទេសមេគង្គ - ឡានធឿង ដើម្បីកសាងរូបភាពនៃការផ្លាស់ប្តូរព័ត៌មានឲ្យបានច្បាស់ណាស់និងបង្កើតការសម្របសម្រួលប្រតិបត្តិការនៃអាងស្តុកទឹកទាំងនៅក្នុងចិននិងប្រទេសនៅមហាអនុតំបន់ទន្លេមេគង្គសំដៅឆ្លើយតបឲ្យកាន់តែមានប្រសិទ្ធិភាពចំពោះបញ្ហានាបច្ចុប្បន្ននិងអនាគត​អំពីគ្រោះរាំងស្ងួតនិងកំរិតទឹកទាប៕

តាម VOV5 - វិទ្យុសម្លេងវៀតណាម

បណ្តាព័ត៌មានបានផ្សាយ