04/10/2020 14:19 GMT+7 Email Print Like 0

នាយករដ្ឋមន្រ្តីអង់គ្លេសអំពាវនាវឱ្យ EU នាំចេញកិច្ចព្រមព្រៀងពាណិជ្ជកម្មក្រោយ Brexit ដែលមានលក្ខណៈ ស្រដៀងគ្នាទៅនឹងនឹងកិច្ចព្រមព្រៀងអឺរ៉ុប - កាណាដា


នាយករដ្ឋមន្រ្តីអង់គ្លេសលោក Boris Johnson (រូបថត៖ TTXVN)
 

នាយករដ្ឋមន្រ្តីអង់គ្លេសលោក Boris Johnson បានអំពាវនាវឲ្យ EU ធ្វើការផ្អែកលើការយល់ឃើញរួមមួយ ដើម្បីផ្តល់ឱ្យចក្រភពអង់គ្លេសនូវកិច្ចព្រមព្រៀង ដែលស្រដៀងគ្នាទៅនឹងកិច្ចព្រមព្រៀងរវាង EU ជាមួយកាណាដា។
ថ្លែងបន្ទាប់ពីជុំចរចារអង់គ្លេស - EU លើកទី ៩ ដែលបានបញ្ចប់កាលពីថ្ងៃទី ២ ខែតុលា នាយករដ្ឋមន្រ្តីអង់គ្លេសលោក Boris Johnson បានថ្លែងថាចក្រភពអង់គ្លេស និង EU អាចឈានដល់កិច្ចព្រមព្រៀងពាណិជ្ជកម្មក្រោយ Brexit បានដែរ ឬអត់ គឺអាស្រ័យទៅលើភាគី EU តែប៉ុណ្ណោះ ហើយលោកបានអំពាវនាវឲ្យ EU ធ្វើការផ្អែកលើការយល់ឃើញរួមមួយ ដើម្បីផ្តល់ឱ្យចក្រភពអង់គ្លេសនូវកិច្ចព្រមព្រៀង ដែលស្រដៀងគ្នាទៅនឹងកិច្ចព្រមព្រៀងរវាង EU ជាមួយកាណាដា។ លោកនាយករដ្ឋមន្រ្តី Boris Johnson មានក្ដីសង្ឃឹមថា ចក្រភពអង់គ្លេសនឹងទទួលបានកិច្ចព្រមព្រៀងដូចកិច្ចព្រមព្រៀងរបស់កាណាដា ជាមួយ EU ដែរ ហើយលោកបានចោទជាសំណួរថា តើហេតុអ្វីបានជា EU មិនអាចផ្តល់កិច្ចព្រមព្រៀងបែបនេះដល់ចក្រភពអង់គ្លេស នៅពេលដែលចក្រភពអង់គ្លេសមានទំនាក់ទំនងជិតស្និទ្ធ ហើយជាសមាជិករបស់ប្លុកនេះក្នុងរយៈពេល ៤៥ ឆ្នាំ។ ទន្ទឹមនឹងនេះ លោកបានចាត់ទុកថា "នៅតែមានឱកាសដើម្បីទទួលបានកិច្ចព្រមព្រៀងមួយ" ហើយ "ប្រការនេះអាស្រ័យទៅលើមិត្តភក្តិនិងដៃគូ ដែលអាចទទួលយកបាន" ផងដែរ៕

តាម VOV5 – វិទ្យុសំឡេងវៀតណាម

បណ្តាព័ត៌មានបានផ្សាយ