10/04/2020 11:57 GMT+7 Email Print Like 0

នាយករដ្ឋមន្រ្តីលោក Nguyen Xuan Phuc ៖ នឹងចាត់ការយ៉ាងតឹងរឹង​នូវករណីណាដែលមិនគោរពតាម​បទបញ្ជាស្តីពីការរក្សាគម្លាត​ក្នុងសង្គម​


 នាយករដ្ឋមន្ត្រី លោក Nguyen Xuan Phuc អញ្ជើញថ្លែងក្នុងកិច្ចប្រជុំ (រូបថតៈ TTXVN) 
 

អញ្ជើញថ្លែងក្នុងកិច្ចប្រជុំ​នេះ លោកនាយករដ្ឋមន្ត្រីបានវាយតម្លៃថា ដោយសារបានអនុវត្តន៍យ៉ាងល្អនូវ​សារាចរ​លេខ​១៦ នេះ បានជា លទ្ធផលទទួលបានគួរឲ្យកត់សម្គាល់ ដោយគ្រប់គ្រងបានការឆ្លងរាលដាល។ 

ក្រោយ​រយៈពេល ១០ ថ្ងៃ នៃការអនុវត្តសារាចរណែនាំលេខ ១៦ លើទូទាំងប្រទេសមក នារសៀលថ្ងៃទី ៩ ខែមេសា​ លោកនាយករដ្ឋមន្រ្តី Nguyen Xuan Phuc បាន​អញ្ជើញ​ជាអធិបតី​ក្នុង​កិច្ច​ប្រជុំ​របស់​គណៈ​អចិន្រ្តៃយ៍​រដ្ឋាភិបាល​ ដើម្បីវាយតម្លៃលើលទ្ធផលនៃការងារបង្ការ ទប់ស្កាត់និងប្រយុទ្ធប្រឆាំងជំងឺរាតត្បាត COVID-19 ព្រមទាំង​ពិភាក្សាអំពី​វិធានការ ដើម្បី​បង្កើនការប្រតិបត្តិ​យ៉ាងតឹង​រឹង​ថែម​ទៀត​នូវ​សារាចរ​ដ៏មាន​អត្ថន័យ​សំខាន់​នេះ។​
 
អញ្ជើញ​ថ្លែងក្នុងកិច្ចប្រជុំនេះ លោកនាយករដ្ឋមន្ត្រីបានវាយតម្លៃថា ដោយសារបាន​អនុវត្តន៍​យ៉ាង​ល្អនូវ​សារាចរ​លេខ១៦នេះ បានជា លទ្ធផលទទួលបានគួរឲ្យកត់សម្គាល់ ដោយគ្រប់គ្រងបានការឆ្លងរាលដាល។ អាស្រ័យហេតុ​នេះ លោកនាយករដ្ឋមន្ត្រីបានស្នើឲ្យមនុស្សគ្រប់រូប បន្តអនុវត្តន៍យ៉ាងត្រឹមត្រូវនូវបទបញ្ជា រក្សាគម្លាត​សង្គម និងពាក់ម៉ាស់តាមកន្លែងសាធារណៈ។
 
លោកនាយក​រដ្ឋមន្ត្រីក៏បានស្នើឲ្យក្រសួងការបរទេសនិងក្រសួងស្ថាប័នពាក់ព័ន្ធនានា អនុវត្ត ន៍គោលនយោ​បាយ​សម​ស្របដើម្បីគាំពារពលរដ្ឋ; បង្កើនការពិនិត្យ ព្យាបាលជំងឺតាមរយៈ អ៊ីនធឺរណែត; បន្តជំរុ​ញ​ខ្លាំង​ការ​ផលិត​សំភារៈ​បរិក្ខារសុខាភិបាល និងចាត់ទុកថា នេះជាកាលានុវត្តភាពសម្រាប់ជំរុញវិស័យនេះផងដែរ។ រួម​ជាមួយ​​​គ្នានោះ គឺត្រូវបើកទូលាយថែមទៀត កិច្ចសហប្រតិបត្តិការ​អន្តរជាតិ​លើការ​ផលិត​ឧបករណ៍​វេជ្ជសាស្ត្រ​ទៀត​ផង​។
 
លោកនាយ​ករដ្ឋមន្រ្តីបានមានប្រសាសន៍ថា ការបញ្ចប់វិធានការរក្សាគម្លាតសង្គម នឹង​បាន​ប្រកាស​នៅពេល​ក្រោយ​ ដោយផ្អែកលើរបាយការណ៍វាយតម្លៃស្ថានភាពជាក់ស្តែងរបស់ក្រសួងនិងសាខាដែលពាក់ព័ន្ធ បន្ទាប់​ពីថ្ងៃទី​​១៥ ខែ​មេសា ខាង​មុខ៕

 

តាម VOV5 - វិទ្យុសំឡេងវៀតណាម​

បណ្តាព័ត៌មានបានផ្សាយ