ក្នុងឱកាសសប្ដាហ៍ជាន់ខ្ពស់ APEC ២០១៧ នាយករដ្ឋមន្រ្តីវៀតណាម លោក Nguyen Xuan Phuc មានបទសរសេរក្រោមចំណងជើងថា “ប្រទេសវៀតណាមមួយដ៏ស្វាហាប់ សមាហរណកម្មនិងអភិវឌ្ឍន៍នៅអាស៊ី-ប៉ាស៊ីហ្វិក”។
នាយករដ្ឋមន្រ្តីលោក Nguyen Xuan Phuc ឆ្លើយសំណួររបស់វិនិយោគិន
នៅសន្និសីទកំពូលសហគ្រាសវៀតណាម២០១៧ (រូបថត៖ TTXVN)
ក្នុងអត្ថបទនេះ នាយករដ្ឋមន្រ្តីលោក Nguyen Xuan Phuc អះអាងថា ការដែលវៀតណាមចូលរួម APEC នាថ្ងៃទី១៥ វិច្ចិកា ឆ្នាំ១៩៩៨ ជាព្រឹត្តិការណ៍មាន អត្ថន័យដ៏សែនសំខាន់ដោយបើកចេញការអភិវឌ្ឍន៍របស់ប្រទេសជាតិលើគ្រប់ វិស័យ បង្កើតឡើងគ្រឹះស្ថានសំរាប់ការធ្វើសមាហរណកម្មយ៉ាងសកម្ម។
លោកនាយករដ្ឋមន្រ្តីសង្កត់ធ្ងន់ថា ក្នុងកាលៈទេសៈនៃនិន្នាការសកលភាវូបនីយកម្មនិងបដិវត្តន៍ឧស្សាហកម្ម៤.០ នាបច្ចុប្បន្ននោះ រដ្ឋាភិបាលស្ថាបនារបស់វៀតណាមយកចិត្តទុកដាក់យ៉ាងខ្លាំងដល់ការកសាងយន្តការគ្រប់គ្រងដ៏បត់បែន ជួយឧបត្ថម្ភការជ្រៀតចូលទីផ្សារដោយតម្លាភាព រក្សាស្តង់ដាពលកម្មជឿនលឿន ការពារផលប្រយោជន៍ស្របច្បាប់របស់សហគ្រាស ព្រមទាំងជំរុញការផ្លាស់ប្ដូរថ្មី ច្នៃប្រឌិតដោយឥតឈប់ឈរ។ ក្នុងអត្ថបទ នាយករដ្ឋមន្រ្តីលោក Nguyen Xuan Phuc អះអាងថា វៀតណាមនឹងបន្តប្រដេញតាមគោលដៅអភិវឌ្ឍន៍ដោយនិរន្តរភាពនិងការសន្យា COP ២១ ប៉ារីសស្ដីពីកិច្ចការពារបរិស្ថាននិងកាត់បន្ថយការបញ្ចេញឧស្ម័ន។ លោកនាយករដ្ឋមន្ត្រីសង្ឃឹមថា នៅ APEC ២០១៧ លើកនេះ ថ្នាក់ដឹកនាំនៃខឿនសេដ្ឋកិច្ចសមាជិកទាំង២១នឹងរួមគ្នាឯកភាពលើដំណោះស្រាយដ៏ល្អបំផុតដើម្បី “បង្កើតកម្លាំងថ្មី ពូនជ្រំឲ្យអនាគតរួម”៕
តាម VOV5 - វិទ្យុសម្លេងវៀតណាម
