នាយករដ្ឋមន្ត្រីលោក Nguyen Xuan Phuc ប្រគល់គ្រឿងឥស្សរិយយសឯករាជ្យថ្នាក់ទី១
ជូនខេត្ត Hung Yen (រូបថត៖VOV)

នាព្រឹកថ្ងៃទី១១ ខែធ្នូ ឆ្នាំ២០១៦ ពិធីរំលឹកខួបអនុស្សាវរីយ៍លើកទី ១៨៥ ទិវាបង្កើតខេត្ត Hung Yen (១៨៣១​-​២០១៦​) ត្រូវបានរៀបចំឡើងយ៉ាងមហោឡារឹកនៅទីក្រុង Hung Yen ភាគខាងជើងវៀតណាម។នៅទីនេះ តាងនាមថ្នាក់ដឹកនាំបក្ស រដ្ឋ នាយករដ្ឋមន្រ្តវៀតណាមលោក Nguyen Xuan Phuc បានប្រគល់គ្រឿងឥស្សរិយយសឯករាជ្យថ្នាក់ទី ១ ជូនបក្សភាគ រដ្ឋអំណាចនិងប្រជាជនខេត្ត Hung Yen ដើម្បីទទួលស្គាល់នូវគុណូបការៈរបស់ខេត្តក្នុងបុព្វហេតុកសាងនិងការពារមាតុប្រទេស។ អញ្ជើញថ្លែងមតិនៅទីនេះ លោកនាយករដ្ឋមន្រ្តីចាត់ទុកថា នា ពេលខាងមុខ ខេត្ត Hung Yen ត្រូវខំប្រឹងប្រែងទទួលបានកំណើនលឿន និរន្តរភាពដោយផ្សាភ្ជាប់នឹងការលើក​កំពស់ជីវភាពរស់នៅរបស់ប្រជាជន៖ 

“ជាខេត្តដែលមានទីតាំងងាយស្រួលដើម្បីអភិវឌ្ឍន៍សេដ្ឋកិច្ច មានអំណោយផលធម្មជាតិនិងសង្គមដ៏វិជ្ជមាន ជា​ពិសេសគឺច្រកទ្វារនៃរដ្ឋធានី នាពេលខាងមុខ ខេត្ត Hung Yen ចាំបាច់ត្រូវពង្រីកឧត្តមភាពសក្ដានុភាព ជំ​នះ​ពុះពារលើការលំបាកសាកល្បង។ ខេត្តត្រូវទាក់ទាញនិងប្រើប្រាស់ប្រកបដោយប្រសិទ្ធភាពនូវគ្រប់ប្រភពកម្លាំង​ អនុវត្តន៍ដោយព្រមៗគ្នានូវដំណោះស្រាយ ខំប្រឹងប្រែងអនុវត្តន៍ប្រកបដោយជោគជ័យនូវគោលដៅ ភារកិច្ច​ដែលបានដាក់ចេញ ដើម្បីក្លាយទៅជាខេត្តសម្បូរធូរធានិងអារិយធម៌”៕

តាម VOV5 - វិទ្យុសម្លេង​វៀតណាម