នាថ្ងៃទី ២៣ ខែកក្កដា ធនាគារ Standard Chartered បានចេញផ្សាយរបាយការណ៍ស្រាវជ្រាវពិភពលោក ប្រចាំត្រីមាសទី ២ ឆ្នាំ ២០២០ ដែលមានចំណងជើងថា “The aftershock”។
នៅក្នុងរបាយការណ៍នេះ Standard Chartered បានព្យាករណ៍ថា សេដ្ឋកិច្ចវៀតណាមនឹងទទួលបានកំណើន ៣% ក្នុងឆ្នាំ ២០២០ និងជាកម្រិតកំណើនទាបបំផុត ក្នុងរយៈពេលប៉ុន្មានឆ្នាំថ្មីៗនេះ ដោយសារតែតម្រូវការពិភពលោកចុះខ្សោយផងដែរ។
លោក Chidu Narayanan សេដ្ឋវិទូតំបន់អាស៊ី ធនាគារ Standard Chartered Bank បានឲ្យដឹងថា កំណើនសេដ្ឋកិច្ចរបស់វៀតណាមគ្រោងនឹងងើបឡើងវិញនៅឆមាសទី ២ នៃឆ្នាំនេះជាពុំខាន។ សូមគូសបញ្ជាក់ថា វៀតណាមឈរលំដាប់ទី ២ ក្នុងអាស៊ាន ទាក់ទងនឹងការពឹងផ្អែកទៅលើសេដ្ឋកិច្ចពិភពលោក បន្ទាប់ពីប្រទេសសិង្ហបុរីប៉ុណ្ណោះ៕
តាម VOV5- វិទ្យុសម្លេងវៀតណាម
