12/07/2020 15:07 GMT+7 Email Print Like 0

ថ្នាក់ដឹកនាំវៀតណាម - អាមេរិកផ្ញើរសារអបអរសាទរជូនគ្នាទៅវិញទៅមក រំលឹកខួបលើកទី ២៥ ឆ្នាំនៃការបង្កើតទំនាក់ទំនងការទូត


 អគ្គលេខាបក្ស ប្រធានរដ្ឋ លោក Nguyen Phu Trong អញ្ជើញទទទួលជួបជាមួយប្រធានាធិបតីអាមេរិក លោក Donald Trump នៅថ្ងៃទី ២៧ ខែកុម្ភៈឆ្នាំ ២០១៩
 

ក្នុងឱកាសខួបលើកទី ២៥ នៃការធ្វើឱ្យប្រក្រតី​ភាពន​និង​ការ​បង្កើត​ទំនាក់​ទំនង​ការ​ទូត​រវាង​សាធារណ​រដ្ឋ​សង្គម​និយម​ វៀតណាមនិងសហរដ្ឋ អាមេរិក (១២ កក្កដា ១៩៩៥ - ១២ កក្កដា ២០២០) អគ្គលេខាបក្ស ប្រធានរដ្ឋវៀត ​ណាម លោក Nguyen Phu Trong បានអញ្ជើញផ្លាស់​ប្តូរនូវសារលិខិត​អបអរសាទរ​ជាមួយ​ប្រធានា​ធិបតី​អាមេរិក​លោក Donald Trump។
 
នៅក្នុងសារលិខិត​នេះ អគ្គលេខាបក្ស ប្រធានរដ្ឋ លោក Nguyen Phu Trong បញ្ជាក់ថា ក្នុងរយៈពេល ២៥ ឆ្នាំ​កន្លង​មកនេះ​ ទំនាក់ទំនងទ្វេភាគីរវាងវៀតណាម និងសហរដ្ឋ អាមេរិកបានជំនះពុះពារ ទាំងចម្ងាយ ពីភូមិ​សាស្ត្រ​និង​ទាំងភាពខុសគ្នា ដើម្បីឈានដល់ការអភិវឌ្ឍ ជាវិជ្ជមាន និងស្ថិរភាព ហើយនាំអាមេរិកក្លាយជាដៃគូ ឈាន​មុខគេរបស់វៀតណាម លើវិស័យជាច្រើន។ វៀតណាមជឿជាក់ថា ដោយស្មារតី ទុកអតីតកាលមួយអន្លើ ជំនះ​ភាពខុសគ្នា ជំរុញភាពស្រដៀងគ្នា និងឆ្ពោះទៅអនាគត នៃភាពជាដៃគូគ្រប់ជ្រុងជ្រោយរវាងវៀតណាម - អាមេរិក​ កាន់តែស៊ីជម្រៅប្រកបដោយប្រសិទ្ធភាពនិងយូរអង្វែង ក្នុង គោល បំណងបម្រើ​ផល​ប្រយោជន៍​របស់​ប្រជាជន​នៃ​​ប្រទេសទាំងពីរ និងរួមចំណែកដល់សន្តិសុខ សន្តិភាពនិងវិបុលភាពនៅក្នុងតំបន់និងពិភព លោក។
 
ចំណែក​ឯសារលិខិតរបស់ប្រធានាធិបតីអាមេរិកលោក  Donald Trump បានបញ្ជាក់ថា ការអភិវឌ្ឍ ភាព ជាដៃគូ​រវាងប្រទេសទាំងពីរគឺជារបត់មួយដ៏ពិសេស។ កិច្ចសហប្រតិបត្តិការនាពេលបច្ចុប្បន្ននេះ បាន​បង្កើត​មូល​ដ្ឋាន​សម្រាប់ការជឿទុកចិត្តនិងការយោគយល់គ្នា ដែលអនុញ្ញាតឱ្យប្រទេសទាំងពីរបង្កើតភាព ជាដៃគូ​គ្រប់​​ជ្រុងជ្រោយ ហើយត្រូវបានបញ្ជាក់តាមរយៈទំនាក់ទំនងពាណិជ្ជកម្មដែលកំពុងកើនឡើង និង​ការ​ផ្សារ​ភ្ជាប់​គ្នា​រវាងប្រជាជននៃប្រទេសទាំងពីរ។ យ៉ាងណាមិញ សហរដ្ឋអាមេរិក​រក្សា​ការ​ប្តេជ្ញា​ចិត្ត​របស់​ខ្លួន​ក្នុង​ការ​ពង្រឹង​និង​ពង្រីក​ទំនាក់ទំនង រវាង​ប្រទេស​ទាំង​ពីរ​ដោយ​ផ្អែក​លើចក្ខុវិស័យ​រួមគ្នា​នៃសន្តិភាព​និង​វិបុលភាព​នៅក្នុង​តំបន់​ឥណ្ឌា- ប៉ាស៊ីហ្វិក ក៏ដូចជាការគោរពអធិបតេ​យ្យ និងច្បាប់របស់គ្នាទៅវិញទៅមក។
 
ក្នុងឱកាសនេះ លោក​នាយករដ្ឋមន្រ្តី Nguyen Xuan Phuc បានផ្លាស់ប្តូសារអបអ​រសាទរ ជាមួយប្រធានា ធិបតី​អាមេរិក​លោក Donald Trump; ប្រធានរដ្ឋសភាលោកស្រី Nguyen Thi Kim Ngan បានផ្លាស់​ប្តូរសារ​អប​អរសាទរ​ជាមួយ​ប្រធាន​ព្រឹទ្ធសភាអាមេរិកលោក Michael Pence និងប្រធានសភាអា​មេរិក​ លោកស្រី Nancy Pelosi ផង​ដែរ​៕​

 

តាម VOV5 - វិទ្យុសំឡេងវៀតណាម​
 

បណ្តាព័ត៌មានបានផ្សាយ