13/03/2020 13:46 GMT+7 Email Print Like 0

ថៃ - គោលដៅគួរឲ្យទាក់ទាញរបស់ភ្ញៀវទេសចរវៀតណាម


 លេខាគណៈកម្មាធិការបក្សទីក្រុងហាណូយ លោក Vuong Dinh Hue អញ្ជើញថ្លែងក្នុងកិច្ចប្រជុំ
 

ថ្នាក់ដឹក​នាំគណៈកម្មាធិការបក្សទីក្រុងហាណូយបើកកិច្ចប្រជុំពិភាក្សាអំពីដំណោះស្រាយអភិវឌ្ឍន៍សេដ្ឋកិច្ច - សង្គម

នាព្រឹក​​ថ្ងៃទី១២ ខែមីនា ឆ្នាំ២០២០ គណៈកម្មាធិការបក្សទីក្រុងហាណូយ បានបើកកិច្ច​ប្រជុំសំ​ដៅវាយ​តម្លៃនូវ​ស្ថានភាព​បច្ចុប្បន្ន​និងពិភាក្សារកដំណោះស្រាយសម្រាប់ការអភិវឌ្ឍសេដ្ឋកិច្ច-សង្គមរបស់ទីក្រុង ជាពិសេស​ក្នុង​បរិបទ​​ដែល​ជំងឺឆ្លង COVID-19 មានបម្រែបម្រួលកាន់តែស្មុគស្មាញ។
 
យោងតាម​សេណារីយ៉ូ របស់ទីក្រុង ប្រសិនបើជំងឺរាតត្បតនៅតែរងផល ប៉ះពាល់ និងអូសបន្លាយដល់ត្រីមាសទី ២ និងត្រី​មាសបន្តទៀតនោះ កំណើនសេដ្ឋកិច្ច របស់ទីក្រុងនៅឆ្នាំនេះ នឹងមិនសម្រេចបានផែនការ ៧.៥% ដូចដែល​បានដាក់ចេញនោះទេ។ យ៉ាងណាមិញ ទីក្រុងហាណូយបានដាក់ចេញនូវសេណារីយ៉ូ មួយចំនួន​ដើម្បី​ម្ចាស់​ការ​ ក្នុងការដោះស្រាយការអភិវឌ្ឍន៍សេដ្ឋកិច្ចសង្គម។ ថ្លែងនៅក្នុងកិច្ចប្រជុំនេះ លេខាគណៈ​កម្មាធិការ​បក្ស​ទីក្រុង​ហាណូយ លោក Vuong Dinh Hue បានថ្លែងថា៖ “បំពេញគោលដៅសេដ្ឋកិច្ច-សង្គម មិនត្រឹម​តែធា​នា​ថា​ ទីក្រុងហាណូយបន្តបង្កើតការងារទ្រទ្រង់ជីវភាពរស់នៅរបស់ប្រជាជន ធានាប្រាក់​ចំណូល​របស់​ប្រជាជន​និង​ធានា​ថវិកាសម្រាប់ការវិនិយោគអភិវឌ្ឍន៍​ហេដ្ឋារចនាសម្ព័ន្ធសេដ្ឋកិច្ច - សង្គម ​ធានានូវកិច្ចការ​ការពារ​ជាតិ​សន្តិសុខ​ និងសុខុមាលភាពសង្គមប៉ុណ្ណោះទេ ថែមទាំង ការថែរក្សានិង​ជំរុញកំណើន​សេដ្ឋកិច្ច​និង​ការប្រមូល​ថវិការបស់​ទីក្រុងហាណូយ ក៏រួមចំណែកដល់ការអនុវត្តគោលដៅ​សេដ្ឋ កិច្ច-សង្គមរបស់​ប្រទេស​ជាតិ​ទាំង​មូល​ទៀតផង”។
 
នៅក្នុងកិច្ច​ប្រជុំ ដំណោះស្រាយមួយក្នុងចំណោមដំណោះស្រាយដែលត្រូវបានស្នើដោយមន្ទីរមុខងាររបស់ទីក្រុង នោះគឺ លើក​កម្ពស់គុណសម្បត្តិនៃវិស័យមួយចំនួនដែលមានឱកាសអភិវឌ្ឍន៍ឬរងផលប៉ះពាល់តិច តួចនៅក្នុងស្ថាន​ភាពជំងឺឆ្លងដូចបច្ចុប្បន្ន៕​

 

តាម​ VOV5 - វិទ្យុសំឡេងវៀតណាម​
 

បណ្តាព័ត៌មានបានផ្សាយ