ថ្នាក់ដឹកនាំទីក្រុង Da Nang បានជូនដំណើរក្រុមគ្រូពេទ្យនិងគិលានុបដ្ឋាយិកាដែលធ្វើដំណើរទៅជួយខេត្ត Bac Giang ក្នុងការបង្ការទប់ស្កាត់ជំងឺរាតត្បាតកូវីដ ១៩ (រូបថត៖ danang.gov.vn)

នាថ្ងៃទី៣០ ខែឧសភា ឆ្នាំ២០២១ គណៈកម្មាធិការប្រជាជនទីក្រុង Da Nang ក៏បានរៀបចំពិធីជូនដំណើរក្រុមគ្រូពេទ្យ ដែលធ្វើដំណើរទៅជួយខេត្ត Bac Giang ក្នុងការប្រយុទ្ធប្រឆាំងនឹងជំងឺកូវីដ-១៩។ វេជ្ជបណ្ឌិត Nguyen Tan Hung ប្រធានក្រុមគ្រូពេទ្យបានសំណេះសំណាលថា៖ “ខ្ញុំពិតជាមានកិត្តិយសណាស់ដែលបានដឹកនាំក្រុមទៅជួយឧបត្ថម្ភខេត្ត Bac Giang ហើយយើងទាំងអស់គ្នាតែងតែរៀបចំខ្លួនរួចជាស្រេច។  ដោយទឹកចិត្តស្រឡាញ់រាប់អានជួយគ្នាទៅវិញទៅមកនាគ្រាលំបាករបស់ទីក្រុង Da Nang យើងសង្ឃឹមថា អាចជួយខេត្ត Bac Giang ជៀសផុតពីជំងឺរាតត្បាតបានឆាប់។ ហើយយើងខ្ញុំក៏សង្ឃឹមថា យើងអាចបំពេញភារកិច្ចដែលបានប្រគល់ជូនក៏ដូចជាឈ្នះជំងឺរាតត្បាតនៅខេត្ត Bac Giang ជាពុំខាន”។

មុននោះ ក្រសួងសុខាភិបាល ក្រសួងនគរបាលនិងក្រសួងការពារប្រទេស  ក៏បានបញ្ជូនកម្មាភិ បាល អ្នកជំនាញ គ្រូពេទ្យនិងគិលានុបដ្ឋាយិការាប់ពាន់នាក់ ទៅកាន់តំបន់ជាចំណុចក្តៅ ដើម្បីចូលរួមសហការជាមួយអាជ្ញាធរគ្រប់លំដាប់ថ្នាក់និងប្រជាជនក្នុងការទប់ស្កាត់ការឆ្លងរាលដាល។ ប្រាក់រាប់ពាន់លានដុងជាសាច់ប្រាក់ និងសំភារៈសុខាភិបាលត្រូវបានបញ្ជូនទៅខេត្ត Bac Giang ដើម្បីជួយការពារនិងប្រយុទ្ធប្រឆាំងជំងឺកូវីដ ១៩ ផងដែរ៕

តាម VOV5 - វិទ្យុសំឡេងវៀតណាម