13/01/2021 13:48 GMT+7 Email Print Like 0

ជ្រើសរើសកម្មាភិបាលដែលមានគុណធម៌និងសមត្ថភាពគ្រប់គ្រាន់អាចគ្រប់គ្រងការងាររបស់ប្រទេសជាតិ

ទិដ្ឋភាពនៃកិច្ចប្រជុំលើកទី ១៣ នៃគណៈកម្មាធិការមជ្ឈឹមបក្សនីតិកាលទី ១២ (រូបថត៖ VOV)
 

ចំពោះមុខនៃមហាសន្និបាតលើកទី១៣នេះ កម្មាភិបាល បក្ខជននិងប្រជាជនសុទ្ធតែជឿជាក់ទៅលើអាណត្តិថ្មី ដោយមានក្រុមកម្មាភិបាលដែលមានគុណធម៌និងសមត្ថភាពពិតប្រាកដ មានទេពកោសល្យ មានចក្ខុវិស័យយុទ្ធសាស្ត្រ មានគំនិតច្នៃប្រឌិត  ហើយឆ្លើយតបនឹងតម្រូវការភារកិច្ចផងដែរ។  បក្ខជននិងប្រជាជនជាច្រើនរូបបានអះអាងថា ការត្រៀមរៀបចំកម្មាភិបាលសម្រាប់អាណត្តិថ្មីគឺមានសារៈសំខាន់ណាស់ ហើយលើកនេះគណៈកម្មាធិការមជ្ឈឹមបានពិភាក្សាដោយប្រជាធិបតេយ្យ មានការយកចិត្តទុកដាក់ខ្លាំងនិងបោះឆ្នោតដោយមតិឯកភាពខ្ពស់។ បក្ខជន Nguyen Manh Thang នៅខ័ណ្ឌ Hoang Mai នៃទីក្រុងហាណូយបានឲ្យដឹងថា៖ “ការត្រៀមរៀបចំតាមបែបវិទ្យាសាស្ត្រយ៉ាងម៉ឺងម៉ាត់និងការជ្រើសរើសកម្មាភិ បាលល្អបំផុតសម្រាប់មហាសន្និបាតលើកទី ១៣ នេះ បានបង្ហាញពីការប្តេជ្ញាចិត្តខ្ពស់របស់មជ្ឈឹម របស់ការិយាល័យនយោបាយ និងគណៈលេខាក្នុងការកសាងនិងធ្វើនិយ័តកម្មបក្ស។ កម្មាភិបាលគឺជាឬសគល់នៃការងារទាំងអស់។ ប្រសិនបើមានកម្មាភិបាលដែលមានគុណភាពល្អ ដើម្បីប្រជាជន ហ៊ានគិតហ៊ានធ្វើ ទើបនាំមកនូវការច្នៃប្រឌិតនិងនាំមកនូវជោគជ័យដ៏ធំធេងដល់ការកសាងប្រទេសជាតិ”។

ចំណែកឯសាស្ត្រាចារ្យរង បណ្ឌិត Le Van Yen  នៅរោងបោះពុម្ពផ្សាយនយោបាយជាតិ បានចាត់ទុកថា អ្វីដែលចាំបាច់និងមានលក្ខណៈសម្រេចចុងក្រោយគឺជាប្រជាជន និងក្រុមអ្នកដឹកនាំសំខាន់ៗដែលមានគុណធម៌ មានទេពកោសល្យនិងមានកិត្យានុភាពគ្រប់គ្រាន់៖ “ស្វែងរកបានកម្មាភិបាលដែលមានគុណធម៌និងទេពកោសល្យគ្រប់គ្រាន់។ នេះជាបញ្ហាដែលបក្សត្រូវគិតពិចារណា ដែលក្នុងមហាសន្និបាតទាំងអស់ យើងតែងតែនិយាយអំពីការជ្រើសរើសកម្មាភិបាលស្នង។  ដូច្នេះ អង្គមហាសន្និបាតត្រូវស្វែងរកនិងជ្រើសរើសកម្មាភិបាលដែលមានភាពខ្នះខ្នែងដើម្បីបុព្វហេតុរបស់ប្រជាជន។ ជាពិសេសយើងត្រូវតែមានទំនាក់ទំនងជិតស្និទ្ធជាមួយប្រជាជន ហើយយើងត្រូវពឹងផ្អែកលើប្រជាជន ម្លោះហើយ បុព្វហេតុរបស់យើងនឹងទទួលបានជោគជ័យយ៉ាងធំធេង”។

ការងារកម្មាភិបាលនិយាយរួម និងការងារត្រៀមរៀបចំកម្មាភិបាលនៅមុនមហាន្និបាតនីមួយៗមានតួនា ទីសំខាន់ពិសេស ទាក់ទងនឹងជោគជ័យនៃមហាសន្និបាតនិងការដឹកនាំរបស់បក្ស។ ប្រជាជនជឿជាក់ថា កម្មាភិបាលដែលមានភាពសក្ដិសម មានគុណធម៌និងទេពកោសល្យនឹងមានការទទួលខុសត្រូវខ្ពស់ក្នុងអាណត្តិខាងមុខជាក់ជាពុំខាន៕

តាម VOV5 - វិទ្យុសំឡេងវៀតណាម

បណ្តាព័ត៌មានបានផ្សាយ