គ្រោះរាំងស្ងួតកំពុងបណ្តាលនូវផលវិបាកយ៉ាងធ្ងន់ធ្ងរនៅវាលសណ្តទន្លេ Cuu Long
នាថ្ងៃទី១៨ ខែមិនា ឆ្នាំ២០១៦ មជ្ឈឹមសមាគមកាកបាតក្រហមវៀតណាមបានសម្រេច ជួយសង្គ្រោះបន្ទាន់ជាជំហានដំបូងសម្រាប់ជនរួមជាតិ នៅខេត្តភាគកណ្តាល Tay Nguyen និងវាលសណ្តទន្លេ Cuu Long ចំនួន១១ សម្រាប់ជំនះ ពុះពារនូវផលវិបាកដោយគ្រោះរាំងស្ងួត និងការជ្រាបចូលនៃទឹកប្រៃបណ្តាលឡើង។ លោក Doan Van Thai អនុប្រធាន អគ្គលេខាធិការមជ្ឈឹមសមាគមកាកបាតក្រហមវៀតណាមបានឲ្យដឹងថា៖
“ការងារដំបូងបង្អស់គឺសង្គ្រោះបន្ទាន់ បន្ទាប់មកគឺវាយតម្លៃនិងសិក្សាស្រាវជ្រាវតម្រូវ ការ និងជួយឧបត្ថម្ភនូវសំភារៈម្ហូបអាហារ សម្រាប់ដំណាក់កាលស្តារឡើងវិញ។ យើងខ្ញុំបានជួយឧបត្ថម្ភទឹកផឹកផ្ទាល់ជូនប្រជាជន។ក្នុងព្រឹកថ្ងៃ១៨នេះ យើងខ្ញុំបានផ្តល់ប្រាក់សម្រាប់តំបន់នានា ហើយតំបន់ទាំងអស់នេះម្ចាស់ការទិញទឹកដបប្រគល់ផ្ទាល់ឲ្យតំបន់នានា”។
ក្នុងឱកាសនេះដែរ មជ្ឈឹមសមាគមកាកបាតក្រហមវៀតណាម បានចេញសេចក្តីអំពាវនាវអន្តរជាតិជួយឧបត្ថម្ភប្រជាជនវៀតណាម ជំនះពុះពារលើផលវិបាកនៃគ្រោះធម្មជាតិនេះ៕
តាម VOV5 - វិទ្យុសម្លេងវៀតណាម
