ប្រទេសឡាវបានសំរេចចិត្តបិទខ្ទប់រដ្ឋធានីវៀងចន្ទន៍ ដើម្បីទប់ស្កាត់ការរីករាលដាលនៃជំងឺកូវីដ-១៩។ ការសម្រេចបិទខ្ទប់ទីក្រុងត្រូវអនុវត្តចាប់ពីម៉ោង ៦៖០០ ព្រឹកថ្ងៃទី ២២ ខែមេសា ដល់ ម៉ោង ២៤៖០០ ថ្ងៃទី៥ ខែឧសភា។

មានតែអ្នកបំពេញភារកិច្ចចាំបាច់និងរថយន្តដឹកជញ្ជូនទំនិញត្រូវបានធ្វើដំណើរចេញចូលរដ្ឋធានីបានក្រោមការអនុញ្ញាតរបស់គណៈកម្មាធិការជាតិទទួលបន្ទុកការបង្ការប្រយុទ្ធប្រឆាំងជំងឺកូវដី-១៩ ប៉ុណ្ណោះ។

ប្រជាជនរស់នៅក្នុងរាដធានី ត្រឹមតែចេញពីផ្ទះរបស់ខ្លួនបាននៅពេលទិញទំនិញចាំបាច់។ ប្រទេសឡាវក៏បន្តបិទច្រកព្រំដែនអន្តរជាតិ ផ្លូវចេញចូលក្នុងស្រុក ច្រកព្រំដែនទាំងផ្លូវគោកនិងផ្លូវទឹកដែលជាប់ជាមួយប្រទេសជិតខាងដែលកំពុងតែមានការរីករាលដាលជំងឺ កូវីដ-១៩ក្នុងសហគមន៍ លើកលែងតែករណីបន្ទាន់។ ការសម្រេចចិត្តបិទទីក្រុងវៀងចន្ទន៍ ត្រូវបានធ្វើឡើងដោយរដ្ឋាភិបាលឡាវ ដាក់ចេញត្រឹមតែប៉ុន្មានម៉ោងប៉ុណ្ណោះ បន្ទាប់ពីប្រទេសនេះបានកត់ត្រាករណីឆ្លងជំងឺកូវីដ-១៩ ថ្មីចំនួន ២៦ នាក់បន្ថែមទៀតនៅក្នុងរដ្ឋធានីវៀងចន្ទន៍ក្នុងរយៈពេល ២៤ ម៉ោងកន្លងមក៕

តាម VOV5 - វិទ្យុសម្លេងវៀតណាម