19/04/2021 15:36 GMT+7 Email Print Like 0

ចិន និងសហរដ្ឋអាមេរិកចេញសេចក្តីថ្លែងការណ៍រួមស្តីពីការទប់ទល់នឹងវិបត្តិអាកាសធាតុ

សេចក្តីថ្លែងការណ៍រួមរវាងចិននិងសហរដ្ឋអាមេរិកទាក់ទងនឹងការទប់ទល់នឹងហានិភ័យអាកាសធាតុត្រូវបានភាគីចិនប្រកាសនៅព្រឹកថ្ងៃទី ១៨ ខែមេសា បន្ទាប់ពីដំណើរទស្សនកិច្ចរបស់បេសកជនរបស់ប្រធានាធិបតីអាមេរិកទទួលបន្ទុកអាកាសធាតុលោក John Kerry នៅទីក្រុងសៀងហៃ។

បេសកជនពិសេសរបស់ប្រធានាធិបតីអាមេរិកទទួលបន្ទុកអាកាសធាតុលោក John Kerry


សេចក្តីថ្លែងការណ៍រួមត្រូវបានប្រកាសដោយភាគីចិនបន្ទាប់ពីកិច្ចពិភាក្សារយៈការងារពេល ២ ថ្ងៃ ដែលបានធ្វើឡើងនៅថ្ងៃទី ១៥ និង ១៦ ខែមេសានៅទីក្រុងសៀងហៃរវាងបេសកជនពិសេសរបស់ប្រធានាធិបតីអាមេរិកទទួលបន្ទុកអាកាសធាតុលោក John Kerry និងសមភាគីចិន។ ដូច្នេះហើយ ភាគីទាំងពីរកំពុងទន្ទឹងរងចាំកិច្ចប្រជុំកំពូលតាមអ៊ិនធឺរណែតស្តីពីអាកាសធាតុដែលរៀបចំឡើងដោយសហរដ្ឋអាមេរិកនៅថ្ងៃទី ២២-២៣ ខែមេសា។ ភាគីទាំងពីរក៏បានប្តេជ្ញាសម្របសម្រួលយន្តការពហុភាគីជាច្រើនដើម្បីដោះស្រាយបញ្ហាទាក់ទងនឹងអាកាសធាតុ។ សេចក្តីថ្លែងការណ៍រួមបានសង្កត់ធ្ងន់ថា“ ចិននិងអាមេរិកខិតខំប្រឹងប្រែងសហប្រតិបត្តិការជាមួយគ្នានិងប្រទេសដទៃទៀតដើម្បីដោះស្រាយវិបត្តិអាកាសធាតុ”។ នាពេលខាងមុខប្រទេសទាំងពីរនឹង“ រួមដៃគ្នា ក៏ដូចជាជាមួយភាគីផ្សេងទៀតដើម្បីពង្រឹងការអនុវត្តកិច្ចព្រមព្រៀងទីក្រុងប៉ារីស” ផងដែរ៕

តាម VOV5 - វិទ្យុសម្លេងវៀតណាម 

បណ្តាព័ត៌មានបានផ្សាយ