ក្រុមប្រឹក្សាសន្តិសុខអង្គការសហប្រជាជាតិអនុម័តលើសេចក្ដីសម្រេចដាក់ទណ្ឌកម្មថ្មីចំពោះកូរ៉េខាងជើង
ក្រុមប្រឹក្សាសន្តិសុខអង្គការសហប្រជាជាតិ
អនុម័តលើសេចក្ដីសម្រេចដាក់ទណ្ឌកម្មថ្មីចំពោះកូរ៉េខាងជើង
សេចក្ដីសម្រេចលេខ ២៣៩៧ ត្រូវបានអនុម័តនាថ្ងៃទី២២ ខែធ្នូ ឆ្នាំ២០១៧ ដោយបានហាមឃាត់ផលិតផលប្រេងចម្រាញ់ជិត ៩០ % នាំចេញទៅកាន់កូរ៉េខាងជើង ដោយបានដាក់កំរិតមិនឲ្យលើសពី ៥ សែនធុង ក្នុងមួយឆ្នាំ ព្រមទាំងធ្វើមាតុភូមិនិវត្តន៍នូវពលករ នៃប្រទេសនេះនៅឯបរទេសក្នុងរយៈពេល១២ ខែ។
បន្ទាប់ពីបានអនុម័តលើសេចក្ដីសម្រេចនេះ អគ្គលេខាធិការនៃអង្គការសហប្រជាជាតិ លោក Antonio Guterres បានអបអរសាទរចំពោះការដែលក្រុមប្រឹក្សាសន្តិសុខអង្គការសហប្រជាជាតិ បាន អនុម័តលើសេចក្ដីសម្រេចថ្មីពោលខាងលើ ហើយគាំទ្របំណងរបស់ក្រុមប្រឹក្សាអង្គការសហប្រជាជាតិដែលមានដំណោះស្រាយនយោបាយនិងការទូតសន្តិភាពសម្រាប់បញ្ហានៅកូរ៉េ។ ទន្ទឹមនឹងនោះ ប្រធានាធិបតីអាមេរិកលោក Donald Trump បានឲ្យដឹងថា សហគមន៍អន្តរជាតិកំពុងខិតខំប្រឹងប្រែង ដើម្បីសន្តិភាពជាមួយកូរ៉េខាងជើង៕
តាម VOV5 - វិទ្យុសម្លេងវៀតណាម