កសាងមជ្ឈមណ្ឌលត្រូពិកវៀតណាម - រុស្ស៊ីឲ្យទៅជាមជ្ឈមណ្ឌលស្រាវជ្រាវវិទ្យាសាស្ត្រនិងបច្ចេកវិទ្យា
កសាងមជ្ឈមណ្ឌលត្រូពិកវៀតណាម - រុស្ស៊ីឲ្យក្លាយទៅជាមជ្ឈមណ្ឌលស្រាវជ្រាវវិទ្យាសាស្ត្រនិងបច្ចេកវិទ្យាថ្នាក់តំបន់និងពិភពលោ គឺជាការបញ្ជាណែនាំរបស់ប្រធានរដ្ឋវៀតណាមលោក Tran Dai Quang នៅក្នុងពិធីរំលឹកខួបអនុស្សវរីយ៍លើកទី ៣០ ទិវាបង្កើត មជ្ឈមណ្ឌលត្រូពិកវៀតណាម - រុស្ស៊ី នាថ្ងៃទី ៧ មិនានៅទីក្រុងហាណូយ។ អញ្ជើញចូលរួមពិធីនេះមានឯកអគ្គរដ្ឋទូតរុស្ស៊ីប្រចាំនៅវៀតណាម លោក Konsstantin Vnukov រួមទាំងតំណាងនៃក្រសួង និងស្ថាប័នមជ្ឈឹមនានា។
អញ្ជើញថ្លែងមតិនៅទីនេះ លោក Tran Dai Quang បានវាយតម្លៃខ្ពស់ចំពោះ មជ្ឈមណ្ឌលត្រូពិកវៀតណាម - រុស្ស៊ី ដែលបានអះអាងតួនាទី និងឋានៈជាមូលដ្ឋានស្រាវជ្រាវវិទ្យាសាស្រ្តនិងបច្ចេកវិទ្យាពហុវិស័យអំពីត្រូពិកនៅវៀតណាម និងសហព័ន្ធរុស្ស៊ី រួមចំណែកយ៉ាងសកម្មក្នុងការអភិវឌ្ឍវិទ្យាសាស្ត្របច្ចេកវិទ្យា សេដ្ឋកិច្ច សង្គមការពារជាតិនិងសន្តិសុខនៅប្រទេសនីមួយៗ។ លោក Tran Dai Quang ក៏បានសម្ដែងជំនឿជាក់ថា មជ្ឈមណ្ឌលត្រូពិកវៀតណាម - រុស្ស៊ីបន្តទទួលបានសមិទ្ធិផលដ៏ធំធេង ហើយសក្តិសមជាមជ្ឈមណ្ឌលស្រាវជ្រាវវិទ្យាសាស្រ្តនិងបច្ចេកវិទ្យាឈានមុខគេរបស់វៀតណាមនិងសហព័ន្ធរុស្ស៊ី។៕
តាម VOV5 - វិទ្យុសម្លេងវៀតណាម
