ໄດ້ເປັນໜຶ່ງໃນຈຳນວນຕາແສງຈຸດສຸມໃນຂະບວນການກໍ່ສ້າງຊົນນະບົດໃໝ່ຂອງນະຄອນ ຮ່າໂນ້ຍ, ພາຍຫຼັງການ ປະຕິບັດມາເປັນເວລາ 2 ປີ, ຕາແສງ ອຽນເສີ (ເມືອງ ຮວ່າຍດຶກ) ໄດ້ສຳເລັດເປົ້າໝາຍກໍ່ສ້າງຊົນນະບົດໃໝ່ 19/19, ກາຍເປັນຈຸດສະຫວ່າງກ່ຽວກັບການພັດທະນາກະສິກຳ, ຍົກສູງລະດັບຊີວິດ ການເປັນຢູ່ໃຫ້ແກ່ຊາວກະສິກອນຢູ່ທີ່ນີ້.

ເມື່ອລົງມືປະຕິບັດຂະບວນການກໍ່ສ້າງຊົນນະບົດໃໝ່, ຕາແສງ ອຽນເສີ ໄດ້ວາງເປົ້າໝາຍພັດທະນາເສດຖະກິດ ແບບຍືນຍົງ ຄົງຕົວເປັນໜ້າທີ່ສຳຄັນແຖວໜ້າ. ເພາະສະນັ້ນ, ອຽນເສີ ໄດ້ລະດົມແຫຼ່ງກຳລັງແຮງຂອງປະຊາຊົນ, ວິສາຫະກິດ, ສຸມໃສ່ຫັນປ່ຽນແຕ່ຕົ້ນໄມ້ມີປະສິດທິຜົນຕຳ່ ມາປູກຕົ້ນໄມ້ຊະນິດ ທີ່ມີປະສິດທິຜົນທາງດ້ານເສດຖະກິດສູງ. ຄຽງຄູ່ກັນນັ້ນ, ທາງຕາແສງກໍ່ສົ່ງເສີມຊາວກະສິກອນໂຮມເນື້ອທີ່ເພາະປູກເຂົ້າເປັນທົ່ງໃຫຍ່, ກໍ່ສ້າງຂົງເຂດສະເພາະຜະລິດສິນຄ້າ, ເຂດການຄ້າ, ການບໍລິການ, ພັດທະນາຂະແໜງ ອຸດສາຫະກຳນ້ອຍ.

 

ອຽນເສີ ໄດ້ສ້າງເງື່ອນໄຂໃຫ້ຊາວກະສິກອນໄດ້ແລກປ່ຽນເນື້ອທີ່ເພາະປູກເຊິ່ງກັນ ແລະ ກັນໂດຍຕົນເອງ ຫຼື ໃຫ້ຊາວກະສິກອນໄດ້ເຊົ່າເນື້ອທີ່ເພາະປູກເພື່ອລົງທຶນເປີດກວ້າງ, ພັດທະນາການຜະລິດ, ເຮັດທຸລະກິດ. ພ້ອມກັນນັ້ນ, ຫັນປ່ຽນອົງປະກອບ ເສດຖະກິດຕາມທິດບຸລິມະສິດພັດທະນາອຸດສາຫະກຳ, ອຸດສາຫະກຳນ້ອຍ, ການບໍລິການ, ຂຸດຄົ້ນດີທີສຸດທ່າແຮງ ດິນແດນເພື່ອພັດທະນາກະສິກຳຢ່າງມີປະສິດທິຜົນ ແລະ ຍືນຍົງຄົງຕົວ. 

­­­ໂຮງຮຽນອະນຸບານຂອງຕາແສງ ອຽນເສີ ຫາກໍ່ໄດ້ຮັບການກໍ່ສ້າງ ຂຶ້ນໃໝ່ເພື່ອຮັບໃຊ້ໃຫ້ປະຊາຊົນໃນຕາແສງ.  ພື້ນຖານໂຄງລ່າງຂອງບັນດາໂຮງຮຽນທຸກຊັ້ນໃນຕາແສງ ໄດ້ລົງທຶນເພື່ອຫັນໄປເຖິງການຍົກລະດັບຄຸນນະພາບການສຶກສາ. ລະບົບເສັ້ນທາງໄດ້ປູເບຕົງເພື່ອສ້າງຄວາມສະດວກໃຫ້ແກ່ການ ຄ້າຂາຍຂອງຊາວບ້ານ ອຽນເສີ.  ແບບແຜນປູກດອກໄມ້ໃນໂຮງນຳມາປະສິດທິຜົນທາງດ້ານ ເສດຖະກິດສູງໃຫ້ບັນດາຄອບຄົວຢູ່ຕາແສງ ອຽນເສີ. ແບບແຜນປູກດອກໄມ້ໃນໂຮງໃຫ້ດອກງາມ ແລະ ສະມັດຕະພາບສູງ.  ໂຮງງານຜະລິດເຄື່ອງໄມ້ແຫ່ງໜຶ່ງຂອງໝູ່ບ້ານອາຊີບໃນຕາແສງ ອຽນເສີ. ໂຮງງານຜະລິດເຄື່ອງໄຟຟ້າແຫ່ງໜຶ່ງຂອງປະຊາຊົນໃນຕາແສງ ອຽນເສີ.  ປະຈຸບັນ ຢູ່ຕາແສງ ອຽນເສີ ມີຫຼາຍຄອບຄົວທຳອາຊີບຜະລິດ ເສັ້ນລ້ອນ, ຫາລາຍຮັບເພິ່ມນອກຈາກການຜະລິດກະສິກຳ.  ໂຮງງານຕັດຫຍິບແຫ່ງໜ່ຶງຢູ່ ອຽນເສີ, ໄດ້ສ້າງວຽກເຮັດງານທຳ ໃຫ້ຊາວທ້ອງຖິ່ນນັບເປັນຈຳນວນຫຼວງຫຼາຍ. ເພື່ອປະຕິບັດແຜນການກໍ່ສ້າງຊົນນະບົດໃໝ່, ຕາແສງ ອຽນເສີ, ເມືອງ ຮວ່າຍດຶກ (ຮ່າໂນ້ຍ) ໄດ້ຫັນປ່ຽນເນື້ອທີ່ເພາະປູກຕົ້ນໄມ້ຊະນິດທີ່ມີປະສິດທິຜົນຕຳ່ກວ່າ 120 ເຮັກຕາມາປູກ ຕົ້ນໄມ້ຊະນິດທີ່ມີ ປະສິດທິຜົນທາງດ້ານເສດຖະກິດສູງ.

ຊາວກະສິກອນຫຼາຍຄົນໄດ້ຫັນປ່ຽນເນື້ອທີ່ເພາະປູກຕົ້ນໄມ້ຊະນິດທີ່ມີປະສິດທິຜົນຕຳ່ກວ່າ 120 ເຮັກຕາມາປູກຕົ້ນໄມ້ຊະນິດທີ່ມີ ປະສິດທິຜົນທາງດ້ານເສດຖະກິດສູງຄື: ເຝີດຖູ, ໝາກກ້ຽງ ແກ໋ງ, ໝາກສົ້ມໂອ ຢຽນ... ດ້ວຍຕົວແບບຫຼາຍຄອບຄົວພ້ອມກັນຜະລິດ, ແບ່ງປັນບົດຮຽນເຊິ່ງກັນ ແລະ ກັນ, ມາເຖິງປະຈຸບັນ, ເຮັກຕາໜຶ່ງ ທີ່ປູກຕົ້ນໄມ້, ດອກໄມ້ຫຼາຍຊະນິດຢູ່ທີ່ນີ້ ສ້າງລາຍຮັບແຕ່ 800 ລ້ານເຖິງ 1 ຕື້ດົ່ງຕໍ່ປີ ໃຫ້ແກ່ຊາວກະສິກອນຢູ່ທີ່ນີ້.

 

ບໍ່ພຽງແຕ່ເອົາໃຈໃສ່ໃນການພັດທະນາເສດຖະກິດເທົ່ານັ້ນ, ອຽນເສີ ຍັງເປັນຈຸດສະຫວ່າງໃນການກໍ່ສ້າງຊີວິດດ້ານວັດທະນະທຳ ແລະ ຈິດໃຈອີກດ້ວຍ. ທາງຕາແສງກໍ່ສຳເລັດການກໍ່ສ້າງສົນທິສັນຍາສະບັບໜຶ່ງຂອງບ້ານລວມມີ 6 ມາດຕາ ແລະ 63 ຂໍ້ ໄດ້ເນັ້ນໜັກເຖິງບັນຫາຄຸນສົມບັດ, ວັດທະນະທຳ, ວິຖີຊີວິດໃນຄອບຄົວ, ຮັກສາສິ່ງແວດລ້ອມ, ຮັບປະກັນຄວາມສະຫງົບ, ປອດໄພພາຍໃນຕາແສງ, ປະຕິບັດແບບແຜນດຳນົງຊີວິດ ມີຄວາມສິວິໄລໃນງານດອງ, ງານສົບ, ສະຫຼອງອາຍຸຍືນ ແລະ ງານບຸນຕ່າງໆ. ຄຽງຂ້າງນັ້ນ, ຫຼາຍກິດຈະກຳກໍ່ສ້າງຕ່າງໆ ຄື: ເຮືອນວັດທະນະທຳ, ໂຮງຮຽນອະນຸບານ, ເດີ່ນກິລາ, ລະບົບຊົນນະປະທານ, ຄອງເໝືອງ, ໄປສະນີວັດທະນະທຳຂອງຕາແສງ... ກໍ່ໄດ້ກໍ່ສ້າງເພື່ອຮັບໃຊ້ ໃຫ້ແກ່ຊີວິດການເປັນຢູ່ ແລະ ພັດທະນາການຜະລິດ ຂອງປະຊາຊົນ.
ພຽງແຕ່ 2 ປິປະຕິບັດຂະບວນການກໍ່ສ້າງຊົນນະບົດໃໝ່, ອຽນເສີໄດ້ສຳເລັດ 19/19 ເປົ້າໝາຍກໍ່ສ້າງຊົນນະບົດໃໝ່. ທາງຕາແສງຈະສືບຕໍ່ກໍ່ສ້າງໃຫ້ສຳເລັດ ແລະ ຍົກສູງບັນດາເປົ້າໝາຍທີ່ບັນລຸ ໄດ້, ຍົກລະດັບລາຍຮັບສະເລ່ຍຕໍ່ຫົວຄົນຂຶ້ນກວ່າ 30 ລ້ານດົ່ງຕໍ່ປິ. 

ປະຈຸບັນ, ໂສມໜ້າຊົນນະບົດຂອງຕາແສງເລີ່ມດີຂຶ້ນ, ລະດັບຊີວິດການເປັນຢູ່ຂອງປະຊາຊົນໄດ້ຍົກສູງຂຶ້ນຢ່າງບໍ່ຢຸດຢັ້ງ.

ບົດ: ຕວຽນກຽດ-ພາບ: ຈິ້ງວັນໂປ້